Tags-Ehsaas

lazzat milī hai mujh ko aziyyat meñ is liye
ehsās khīñchnā thā badan kī kamān meñ

sitam Dhāte ho lekin lutf kā ehsās hotā hai
isī andāz ne duniyā ko dīvāna banā Daalā

jo mere ehsās-e-be-zabāñ ko zabāñ milī to chamak uThā hai
sharāra ban kar kahīñ navā kā charāġh ban kar kahīñ pe lū kā

maiñ huuñ shikār-e-fitna-e-ehsās-e-rañg 'shām'
kis tarah ek jism kī taqsīm ho ga.ī

farhat-ullāh ko kholā hai ba-andāz-e-ġhazal
'farhat-ehsās' ko āzād kiyā hai maiñ ne

ye fusūñ-kārī-e-ehsās hai yā aks-e-hayāt
ā.ina-ḳhāne kā har aa.ina shashdar kyuuñ hai

ġham kā ehsās bhī gumbad kī sadā ho jaise
dil se Takrātā hai phir dil meñ palaT aatā hai

ajiib dukh thā
ki jis kā ehsās jāgte hī

jism ke phuul meñ ehsās kī ḳhushbū hai yaad
hijr kī raat meñ ummīd kā jugnū hai yaad

koī jazba hai na koī ehsās
ab to vo hai bhī nahīñ mere paas

jo har baar apnī ḳhākistar se uTh paḌtā hai zinda
to ham ne 'farhat-ehsās' ab tujhe chhoḌā jalānā

ḳhud kī tanhā.ī ai 'afsar' hai muqaddar lekin
apnī ehsās kī samtoñ ko na tanhā karnā

ajnabiyyat kā tamāsha na ho kaise uryāñ
dīda-e-shiddat-e-ehsās barābar na rahā

ik din jo 'farhat-ehsās' uTThā namāz paḌhne
dekhā ki masjideñ ḳhud but-ḳhāna ho rahī haiñ

rāstoñ ne kahā kyuuñ hujūm-e-farāvāñ kā anjām ibrat huā
kaun ibrat ke ehsās ko māntā

jazba-e-ḳhidmat-e-insāñ hai 'matīn' āb-e-hayāt
shukr-sad-shukr ai ehsās ki achchhā huuñ maiñ

ab to ye bhī nahīñ rahā ehsās
dard hotā hai yā nahīñ hotā

shām-e-ġham kī hai atā sub.h-e-masarrat dī hai
zindagī ne hameñ ehsās kī daulat dī hai

kaise kaise tire ehsās kī chaTTānoñ ko
maiñ ne lafzoñ meñ tarāshā hai to sūrat dī hai

ik lamhe ke ehsās ne tanhā-safarī meñ
barsoñ ke liye vaqt se hushiyār kiyā hai