Tags-Fasad

yak gosha-e-vajūd meñ rakkhā qayām kuchh
bāhar baḌā fasād thā so ghar meñ aa gayā

sitam to ye hai ki donoñ ke marġh-zāroñ se
havā-e-fitna o bū-e-fasād aatī hai

kuchh shak nahīñ ki qurb-e-qayāmat kī hai dalīl
ye fitna o fasād ki ab bahr o bar meñ hai

ishq kī mamlikat meñ hai shorish-e-aql-e-nā-murād
ubhrā kahīñ jo ye fasād dil ne vahīñ dabā diyā

mirī ġhaflatoñ kā gilā na kar yahī nazm-e-kaun-o-fasād hai
ḳhabar is tilism-e-numūd kī mujhe ho chukī hai magar nahīñ

ham ne rakkhī hai yahāñ amn-o-amāñ kī buniyād
apnī fitrat meñ nahīñ dahshat o dañgā o fasād

kal dharm ke naam par fasād huā
suntā huuñ

utar zarūr magar aah sub.h-e-āzādī
kisī zamīn pe vaj.h-e-fasād ban ke na aa

urūj-e-paikar-e-ḳhākī se hai insāniyat larzāñ
fasād o sarkashī se paak ye aalam nahīñ hotā

achchhā huā jo ho ga.e vahdat-parast ham
fitna gayā fasād gayā shor-o-shar gayā

ye dost barsar-e-paikār hone lag ga.e haiñ
to vaj.h banñe lagī hai fasād nafrat kī

bahut fasād chhupā thā lahū kī gardish meñ
bikhar ke ḳhaak hue ik zarā sī laġhzish meñ

do-chār baar nabzeñ TaTolīñ to daf.atan
bole ki kuchh fasād hai shāyad luaab meñ

maiñ hī bantā huuñ fasād-e-āb-o-gil kā har sabab
kis qadar nuqsān merā mere hone se huā

jis ke kāran fasād hote haiñ
us kā koī atā-patā hī nahīñ

kahte haiñ dil kī choT kā hai fasād
muñh 'ta.ashshūq' jo zard rahtā hai

qitāl zulm-o-tashaddud fasād aag dhuāñ
hamāre shahr meñ ab kyā mazīd rakkhā hai

ḳhvābīda har nazar meñ banā.e fasād-e-ḳhalq
poshīda har ravish meñ nayā inqalāb thā

maiñ sulh-o-amn kā shaidā.ī huuñ mire rahbar
fasād-o-fitna pe tū kyuuñ ubhārtā hai mujhe

fasād-e-duniyā miTā chuke haiñ husūl-e-hastī miTā chuke haiñ
ḳhudā.ī apne meñ pā chuke haiñ mujhe gale ye lagā chuke haiñ