Tags-Friendship

hamārī dostī kā dam bhareñ aise kahāñ haiñ
zamāne sab se terī dostī hone lagī hai

ab dostī vo fan ki jo sīkhe vahī nibhā.e
aur hai vafā tamāshā jise aa.e vo dikhā.e

dostī kā chalan rahā hī nahīñ
ab zamāne kī vo havā hī nahīñ

yuuñ nahīñ thā ki tīrgī kam thī
dhuup se apnī dostī kam thī

dostī jo ki be-tam.a ho hai
zar agar do karor nahiñ hotī

nibāh kartā huuñ duniyā se is tarah ai 'shāz'
ki jaise dostī ho āstīn o ḳhanjar kī

azal se rindoñ ko mai kī aadat hai aur vaa.iz kī sarzanish kī
taḳhāluf-e-vaz.a se hai jhagḌā na dostī hai na dushmanī hai

mohabbat bhī zarūrat pesh-bīnī bhī zarūrat hai
maiñ kār-e-dostī meñ sab ḳhasāre dekh letā huuñ

lūTne vaalo vafā ke naam par ai dosto
is jahāñ meñ haath maltī dostī rah jā.egī

dostī aur dikhāve kī mohabbat karnā
sab kā sheva hai adākār hai duniyā saarī

ai mukartī aañkh adāvateñ tū qayām bhī haiñ sabāt bhī
tire saath dushmanī ik taraf nahīñ dostī kī majāl bhī

ye aañsū kyā ik gavāh hai
merī dard-mandī kā merī insān-dostī kā

ik qalam harf-e-dostī bhūlā
haa.e us ko paḌhā diyā kis ne

bhalī sī ek shakl thī
bhalī sī us kī dostī

kyā kyā na dostī ke janāze uThā.e haiñ
thak-hār kar adū ke ilāqe meñ aa.e haiñ

pahle vaqtoñ meñ ho to ho shāyad
dostī ab hasīn gaalī hai

dil ko paalā baġhal meñ tū ne
goyā dushman se dostī kī

ḳhvāhish na bar aa.ī apnī jī kī
ham ne kis kis kī dostī kī

behtar hai sab se dostī apnī ḳhudā kī 'nayan'
fe.al abas hai yaarī gaihān ye suḳhan

pūchhā hai ġhair se mire hāl-e-tabāh ko
iz.hār-e-dostī bhī kiyā dushmanī ke saath