Collections

Lab Shayari

Motivational Ghazals

Best Khamoshi Shayari

More Collections

Tags-Friendship

kuchh to terī bhī ḳhatā hogī 'faroġh'
gar huī hai sargirānī dostī

har kisi ki hai zabani dosti

dostoñ ko dil dukhānā aa gayā
aa ga.ī ham ko nibhānī dostī

har kisi ki hai zabani dosti

ai mohabbat tere dukh se dostī āsāñ na thī
tujh sā ho kar terī vīrānī kā andāza huā

pahle to miTTi ka aur pani ka andaza hua

maiñ ne sadā ḳhizāoñ se rakkhī hai dostī
hotī hai kyā bahār mujhe kuchh pata nahīñ

kyun dil hai be-qarar mujhe kuchh pata nahin

sab ba-taufīq-e-muravvat dostī karte rahe
log kyā karte ki ḳhud un ke sanam-ḳhāne bhī the

kuchh tumhaari anjuman mein aise diwane bhi the

ġhamoñ se rishta hai apnā bhī dostī kī tarah
mile haiñ ashk bhī ham ko yahāñ hañsī kī tarah

ghamon se rishta hai apna bhi dosti ki tarah

charāġh-e-sub.h sahī ham hamāre maslak meñ
ravā nahīñ hai añdheroñ se dostī rakhnā

nafas nafas pe naya soz-e-agahi rakhna

kaise kahūñ ki dostī tum ne nibāhī dosto
tum ne kured kar koī zaḳhm harā nahīñ kiyā

humne junun-e-ishq mein kufr zara nahin kiya

dostī ko burā samajhte haiñ
kyā samajh hai vo kyā samajhte haiñ

dosti ko bura samajhte hain

pyaar se sab dushmanoñ ke dil meñ ghar us ne kiyā
dostī kā ma.arka is tarah sar us ne kiyā

hausla de de ke uncha mera sar usne kiya

tūl-e-shab-e-firāq sī donoñ kī umr-e-dostī
'jāmid'-e-zinda-tab-e-rasā us kā bhī yaar thā ajab

shamil-e-karwan na tha rahguzar tha ajab

kuchh dushmanī kā Dhab hai na ab dostī kā taur
donoñ kā ek rañg huā tere shahr meñ

kaisi chali hai ab ke hawa tere shahr mein

jaane kyuuñ bātoñ se jalte haiñ gile karte haiñ log
terī merī dostī ke tazkire karte haiñ log

jaane kyun baaton se jalte hain gile karte hain log

har ek shaḳhs mirī dostī kā tālib thā
har ek shaḳhs se lī mol dushmanī maiñ ne

kuchh is tarah se basar ki hai zindagi maine

ye zindagī to bahut kam hai dostī ke liye
kahāñ se vaqt nikaltā hai dushmanī ke liye

ye zindagi to bahut kam hai dosti ke liye

ajab sī dushmanī aur dostī kā ik qasīda hai
diloñ meñ kuchh qasīde haiñ zabāñ par razmiye bhī haiñ

zaban-bandi se pahle kuchh anokhe hadse bhi hain

ḳhulūs pyaar vafā dostī sila kyā hai
haTāo aisī hikāyāt meñ dharā kyā hai

KHulus pyar wafa dosti sila kya hai

ham do bande haiñ aur cigarette ek
ab ḳhabar hogī dostī kī dost

maut ki kab ruki hai gaDi dost

laḌke kī dostī kī bāteñ haiñ
laḌkī hotī hai sab se achchhī dost

maut ki kab ruki hai gaDi dost

dushmanī rasm-e-jahāñ hai dostī harf-e-ġhalat
aadmī tanhā khaḌā hai zālimoñ ke sāmne

ek main aur itne lakhon silsilon ke samne