Tags-Aashiq

aage jo dilbarī thī so āshiq-kushī hai ab
jo kaam mehr ke the so kiine pe aa rahe

az-bas-ki us ke zahr pe ġhālib hai zahr-e-ishq
mar jaave hai vahīñ tire āshiq ko kaaT saañp

sabhī aġhyār haiñ sabhī āshiq
e'timād us kā ek jā na rahā

zālim idhar kī sudh le juuñ sham-e-sub.h-gāhī
ek aadh dam kā āshiq mehmān ho rahā hai

tum sā koī bad-chalan na hogā
hai hai āshiq tabāh kyā haiñ

jhel lete haiñ āshiq ai farhād
jis ke sar jaisī aan paḌtī hai

ġhair shāyān-e-rasm-o-rāh nahīñ
kab vo āshiq hai jo tabāh nahīñ

kūche meñ rakh ke āshiq-e-muztar kī haDDiyāñ
machhlī ke kāñTe bo diye rāh-e-najāt meñ

chhoḌī 'asad' na ham ne gadā.ī meñ dil-lagī
saa.il hue to āshiq-e-ahl-e-karam hue

chale jo āshiq pe tīr-o-ḳhanzar huā vo sarsabz surḳh ho kar
chaḌhā sar us kā agar sināñ par nihāl-e-ulfat meñ yaar aayā

tumhārī jumbish-e-abrū se ghāyal ho ga.e āshiq
ban aa.ī jaan par un kī tumhārī ik adā Thahrī

tumhārī bad-duā se lutf miltā hai mire dil ko
maiñ āshiq huuñ tumhārā vo mire haq meñ duā Thahrī

usī andāz ne vīrāñ kiyā hai mere pahlū ko
dil-e-āshiq ke lene ko in āñkhoñ meñ ziyā Thahrī

ḳhūbāñ kuuñ ravā hai qatl-e-āshiq
is shahr meñ rasm-e-ḳhūñ-bahā na.iiñ

zāhid sanam-kada merī manzil nahīñ magar
āshiq huuñ mujh ko apne sanam kī talāsh hai

dil-e-āshiq bhī kyā majmua-e-azdād hotā hai
udhar ābād hotā hai idhar barbād hotā hai

ulfat kā kyā yahī hai natīja jahān meñ
āshiq ko qatl karte haiñ kyuuñ be-gunāh aap

ḳhat likheñge garche matlab kuchh na ho
ham to āshiq haiñ tumhāre naam ke

sab ne jaanā kahīñ ye āshiq hai
bah ga.e ashk dīda-e-nam se