Tags-Aashiq

hai ḳhasam-jān-e-āshiq vo mahv-e-nāz lekin
har lamha be-adā.ī ye bhī to ik adā hai

na.ash us āshiq-e-nāshād kī uThvāne do
ab use zer-e-zamīñ chain se so jaane do

un ke fiqroñ meñ na ā.eñge ye sachche āshiq
vaa.iz aa.e haiñ jo samjhāne to samjhāne do

ai 'muhib' jurm-e-mohabbat ke sivā aalam meñ
qatl-e-āshiq hī sunā hai ba-gunāhe gaahe

ḳhāk-e-āshiq hai jo hove hai nisār-e-dāman
ai mirī jaan tū mat jhaaḌ ġhubār-e-dāman

tumheñ jis kī chaah pe naaz thā jo tumhārā mahram-e-rāz thā
maiñ vahī huuñ āshiq-e-bā-vafā tumheñ yaad ho ki na yaad ho

sabab-e-dilrubā.i-e-āshiq
mehr hai lutf hai dilāsā hai

har aan jalva na.ī aan se hai aane kā
chalan ye chalte ho āshiq kī jaan jaane kā

huuñ vo āshiq ki tah-e-qabr maiñ jal jaatā huuñ
sham.a turbat par agar miltī hai parvāne se

āshiq jise kahte haiñ vo paidā nahīñ hotā
aur ho.e bhī bil-farz to mujh sā nahīñ hotā

zor āshiq-mizāj hai koī
'dard' ko qissa muḳhtasar dekhā

jal ke āshiq hue ma.ashūq sifat
sham.a kā soz hai parvāne meñ

vo bhī kyā din the ki āshiq the tumhāre ham bhī
ab to fariyād-o-fuġhāñ dard-o-alam bhuul ga.e

Thahar jā naqa-e-dilbar ki maiñ chūmūñ qadam tere
sadā ye musht-e-ḳhāk-e-āshiq-e-be-dil se niklegī

tasavvur jānib-e-dil chāhiye majnūñ tujhe karnā
tū jis lailā kā āshiq hai vo is mahmil se niklegī

nihāñ kyā ḳhaak hogī hasrat-e-dīdār āshiq kī
vo ik din yaas ban kar dīda-e-bismil se niklegī

bisān-e-nik.hat-e-gul chhup nahīñ saktī chhupāne se
ye bū-e-ḳhūn-e-āshiq dāman-e-qātil se niklegī

yuuñ to āshiq tirā zamāna huā
mujh sā jāñ-bāz dūsrā na huā

koī qāsid ho ki nāseh koī āshiq ki adū
sab kī us shoḳh se vābastagiyāñ ek sī haiñ