Tags-Garmi

yaqīñ aayā kiyā jab us ke ta.iiñ paanī siiñ bhī patlā
hamāre ashk kī garmī meñ kuchh rakhtā thā shak dariyā

garmī ne kuchh aag aur bhī siine meñ lagā.ī
har taur ġharaz aap se milnā hī kam achchhā

garmī se us ke husn kī kis kā jigar jalā
tashbīh-e-mehr-o-rū-e-nikū-e-butāñ ġhalat

chashm be-hijābī kauñdtī hai
dhuup kī garmī nazar

sher ho jaatā hai sirf ik jumbish-e-lab se niDhāl
saañs kī garmī se paḌ jaatā hai is shīshe meñ baal

haath dho dil se yahī garmī gar andeshe meñ hai
ābgīna tundi-e-sahbā se pighlā jaa.e hai

ai sham-e-dil-afroz shab-e-tār-e-mohabbat
baḳhshe hai yahī garmī-e-bāzār-e-mohabbat

havā-e-abr meñ garmī nahīñ jo tū na ho saaqī
dam afsurda kar de munjamid rashhāt-e-bārāñ ko

rakh jabīn-e-shauq meñ mahfūz garmī-e-niyāz
kaun jaane tujh ko ik sajda kahāñ karnā paḌe

girā na aañkh se aañsū fareb-e-qismat par
sukūn jis se ho vo iztirāb paidā kar

dopahar kī garmī meñ
be-irāda qadmoñ se

hai husn kī garmī setī betāb shab-o-roz
ai bād-e-sahar zulf-e-pareshāñ kuuñ pahuñch tuuñ

jazbe kī sab garmī sardī bahte ashkoñ kī barsāt
ham ne saare mausam dekhe ham par guzre sab hālāt

kuchh lutf kī garmī kī ḳhātir kuchh jān-e-vafā ke sadqe meñ
gesū-e-alam ke saa.e meñ rāhat sī milī hai piine meñ

shaiḳh kī sumran-shumārī meñ koī garmī nahīñ
chashm-e-bīnā ho to zāhir hai har ik daane meñ aag

dekhnā garmī kī ḳhūbī merī baarī jab aa.e
jā-e-mai saaqī ne bhar dī mire paimāne meñ aag

yak-qalam kāġhaz-e-ātish-zada hai safha-e-dasht
naqsh-e-pā meñ hai tab-e-garmī-e-raftār hunūz

vo to rañg le aa.ī apne ḳhuun kī garmī
varna saare qisse meñ ham kahāñ rahe hote