Tags-Garmi

ishq kī garmī ne phūñkā parde parde meñ mujhe
merī chādar meñ mirā bistar dhuāñ battī charāġh

agar ye sard-mehrī tuj ko āsā.ish na sikhlātī
to kyūñkar āftāb-e-husn kī garmī meñ niind aatī

shadīd garmī meñ kaise nikle vo phūl-chehra
so apne raste meñ dhuup dīvār ho rahī hai

ishq se hotī hai is shiddat kī garmī ḳhuun meñ
khaultā hai jaise dariyā dopahar ko june meñ

mirī vafāoñ kī garmī se tū bhī pighlegā
ik aisā sho.ala maiñ apne jigar meñ rakhtī huuñ

dhuup kī garmī se īñTeñ pak ga.iiñ phal pak ga.e
ik hamārā jism thā 'aḳhtar' jo kachchā rah gayā

pyāsā mat jalā saaqī mujhe garmī siiñ hijrāñ kī
shitābī lā sharāb-e-ḳhām ham ne dil ko bhūnā hai

kis qadar hai mizāj meñ garmī
sho.ala hai aag hai bhabhūkā hai

huī hai bā.is-e-tuġhyān-e-ishq garmi-e-husn
jale na sham.a to kyuuñ ghir ke aa.eñ parvāne

shahr kyā dekheñ ki har manzar meñ jaale paḌ ga.e
aisī garmī hai ki piile phuul kaale paḌ ga.e

garmī imsāl kis qayāmat kī paḌī
ek ek ghaḌī huī qayāmat kī ghaḌī

garmī bahut hai aaj khulā rakh makān ko
us kī galī se raat ko purvā.ī aa.egī

garmi-e-āvāz ko shola banā kar phuul sā
duur tak hadd-e-nazar tak rā.egāñ sunte raho

phuñsī kisī ke tan meñ sar par kisī ke phoḌe
chhātī ye garmī daane aur piiTh meñ daroḌe

ātish-e-dozaḳh meñ ye garmī kahāñ
soz-e-ġham-hā-e-nihānī aur hai

vo tuur vaalī tirī tajallī ġhazab kī garmī dikhā rahī hai
vahāñ to patthar jalā diye the yahāñ kaleja jalā rahī hai

garmī ne dil kī hijr meñ us ke jalā diyā
shāyad ki ehtiyāt se ye tab bigaḌ ga.ī

umr kī is manzil par bhī ham tujh par jaan nichhāvar kar deñ
go vo garmī ḳhuuñ meñ nahīñ hai dil meñ qayāmat ab bhī vahī hai

na us ke lams kī garmī na us ke qurb kī aañch
tasavvur us kā thā aisā ki bas pighalte rahe

garmī bahut hai aaj khulā rakh makān ko
us kī galī se raat ko purvā.ī aa.egī