Tags-Garmi

hijr o visāl kī sardī garmī sahtā hai
dil darvesh hai phir bhī raazī rahtā hai

jab señ tujh ishq kī garmī kā asar hai man meñ
tab señ phirtā huuñ udāsī ho birah ke ban meñ

lagī rahtī hai ashkoñ kī jhaḌī garmī ho sardī ho
nahīñ ruktī kabhī barsāt jab se tum nahīñ aa.e

vo sardī se TheThurtā hai na garmī hī satātī hai
ye mausam haar jaate haiñ ġharībī jiit jaatī hai

garmi-e-pahlū yahī tashkīk o lā-ilmī kī aañch
zauq-e-gumshudgī se ham haiñ bā-ḳhabar yā bā-hunar

pī jis qadar mile shab-e-mahtāb meñ sharāb
is balġhamī-mizāj ko garmī hī raas hai

ek hī rañg meñ rahtī hai tabī.at har dam
farq jaaḌe meñ na garmī meñ na barsāt meñ hai

garmī kā hai zamāna
sardī huī ravāna

aah kab lab par nahīñ hai daaġh kab dil meñ nahīñ
kaun sī shab hai ki garmī apnī mahfil meñ nahīñ

shoḳhī jo barq kī hai garmī sharār kī hai
kuchh kah rahā hai muusā andāz-e-guftugū kā

sard ai sham.a na ho garmi-e-bāzār-e-jamāl
phūñk de ruuh na.ī laash meñ parvāne kī

tū hai ik tāñbe kā thaal
jo sūraj kī garmī meñ saarā saal tape

tumhārī yādoñ kī garmī hai sard rātoñ meñ
lihāf aise meñ ab oḌhnā bichhānā kyā

garmī se jis kī barf kā devtā Dare vo aag
sho.aloñ meñ os ko jo mubaddal kare vo aag

ug rahā hai har taraf sabza dar-o-dīvār par
intihā garmī kī hai aur ibtidā barsāt kī

har ḳhvāb shikasta hai ta.amīr-e-nasheman kā
har sub.h ke māthe par bāzār kī garmī hai

nahīñ hai mahfil meñ koī garmī hue haiñ dil sard mutriboñ ke
dhuāñ nikaltā hai uñgliyoñ se raubāb bhī bujh ke rah ga.e haiñ

vo jis kī garmī qayāmat uThā rahī thī kabhī
usī badan ko jo kaaTo to ab lahū bhī nahīñ

koī bādal mere tapte jism par barsā nahīñ
jal rahā huuñ jaane kab se jism kī garmī ke saath

jin laboñ ko chaaT paḌ jaatī hai qīl-o-qāl kī
un kī garmī ko tarastī hai jabīñ atfāl kī