Tags-Gham

ġham-e-ayyām pe yuuñ ḳhush haiñ tire dīvāne
ġham-e-ayyām bhī ik terī adā ho jaise

rahe mudām yūñhī ishq meñ tah-o-bālā
jo ġham se baiTh gayā dil to uThne aañkh aa.ī

sunā kiyā jo mirā haal is tavajjoh se
vo ajnabī bhī kisī ġham meñ mubtalā hogā

āñkhoñ ko āñsuoñ ke javāhar diye ga.e
dil ke sipurd ġham kā ḳhazāna kiyā gayā

sunā.e jaate haiñ ham qissa-e-ġham-e-furqat
ḳhudā kare ki na mahfil meñ muskurā.e koī

ġham-e-zindagī meñ sukūñ mil gayā hai
nikal aa.e dil kī lagī se bhī aage

ġham-e-habīb ġham-e-zindagī ġham-e-daurāñ
kisī maqām pe ham jī burā nahīñ karte

ġham bargad kā ghanā daraḳht
ḳhushiyāñ nanhe nanhe phuul

ġham-gusār chehroñ par e'tibār mat karnā
shahr meñ siyāsat ke dost bhī shikārī hai

ra.anā.iyoñ pe apnī nāzāñ na hoñ bahāreñ
anjām-e-ġham nihāñ hai āġhāz meñ ḳhushī ke

us dil kī musībat kaun sune jo ġham ke muqābil aa jaa.e
kis ne ye kahā thā tinke se vo bijlī se Takrā jaa.e

jab pahle-pahal ehsās huā hai ġham kā to dil aisā kāñpā
jaise ki dulhan pahlī shab kī aahaT jo mile tharrā jaa.e

phir hai dil-e-nādāñ ko kisī ġham kī zarūrat
ḳhushiyoñ ne to jaise mujhe bīmār kiyā hai

un se karam kī rakh ummīd un kī atā se pyaar kar
ai dil-e-mubtalā-e-ġham ġham ko bhī ḳhush-gavār kar

dard-e-hayāt dard-e-dil dard-e-firāq dard-e-ġham
ye haiñ matā-e-lā-zavāl in se 'azīz' pyaar kar

tirī judā.ī kā ġham hai na tere milne kā
maiñ apnī aag meñ din raat jaltā rahtā huuñ

Duube haiñ vo yuuñ sab ke samundar meñ ki ġham haiñ
sūraj kī chamak aañkh meñ laa.e the jo bhar ke

ḳhudā ne baḳhsh diye mere dil ko ġham itne
ki ab maiñ apne gunāhoñ pe sharmsār nahīñ

sharīk-e-soz haiñ parvāne sham.a ke 'aḳhtar'
hamāre dil kā magar koī ġham-gusār nahīñ

aañkh ke goshe ho kar nam ābād hue
dil kī bastī ke sab ġham ābād hue