Tags-Gham

aksar ḳhushī hī ban ga.ī hai dushman-e-sukūñ
ġham ban gayā sukūt kā sāmāñ kabhī kabhī

shola-e-ġham kī lapak aur mirā nāzuk sā mizāj
mujh ko fitrat ke ravayye pe hañsī aatī hai

ḳhush-rañg zuleḳhāoñ ke bāzār meñ 'jāzib'
koī ġham-e-yūsuf kā ḳharīdār nahīñ hai

saikḌoñ ġham mire saath chalte rahe
jis ko chhoḌā usī ne kahā aur maiñ

'rāsiḳh' ye pas-e-marg bhī hamrāh rahegā
hai yaar kā ġham yār-e-vafādār hamārā

jo phūTī palkoñ se koñpal to jā ke raaz khulā
ki us ne ġham nahīñ siine meñ zahr boyā hai

ḳhushī kā ho koī yā ġham kā lamha
guzar jaatā hai kyoñ ruktā nahīñ hai

mirī lau lagī hai tujh se ġham-e-zindagī miTā de
tirā naam hai masīhā mire dard kī davā de

ham se ye kah ke vo hāl-e-shab-e-ġham pūchhte haiñ
kyā batāoge na tum ab bhī ki ham pūchhte haiñ

maiñ ne aisā koī hamdard na dekhā na sunā
sub.h ko mujh se vo hāl-e-shab-e-ġham pūchhte haiñ

jo na jhelī thī kabhī us ne vo aafat jhelī
aap kyā 'nūh' se afsāna-e-ġham pūchhte haiñ

dariyā thā mauj ġham thī safīna koī na thā
tārīk rāste the ujālā koī na thā

vo chashm-e-surmagīñ jab tak masīhā.ī na farmā.e
marīz-e-ġham ko ho jaa.e shifā ye ho nahīñ saktā

al-qissa ma.āl-e-ġham-e-ulfat pe hañso tum
yā ashk bahātī raho fariyād karo tum

vo kahte haiñ ki hai TuuTe hue dil par karam merā
magar min-jumla-e-ādāb-e-ġham-ḳhvārī hai ġham merā

zahe taqdīr-e-nākāmī ki terī maslahat Thahrī
tirī marzī se vābasta huā allāh re ġham merā

maiñ vo āzurda-e-vahm-e-musarrat huuñ ma.āz-allāh
ki ġham ko ġham samajhne se bhī ghabrātā hai dam merā

ye mahrūm-e-tabassum mīr-e-sāmān-e-tabassum hai
tirī bazm-e-tarab meñ mo'tabar hai ashk-e-ġham merā

bādal kī siyāhī meñ kiran jaisī chamaktī
har ġham meñ chhipī ham bhī ḳhushī DhūñD rahe haiñ

kabhī samt-e-ġhaib siiñ kyā havā ki chaman zuhūr kā jal gayā
magar ek shāḳh-e-nihāl-e-ġham jise dil kaho so harī rahī