Tags-Gham

fanā kartā hai pahle zindagī kī har tamannā ko
kahīñ tab jā ke insāñ pastī-e-ġham se ubhartā hai

isī baa.is vufūr-e-ġham meñ aksar 'nāz' hañste haiñ
musībat aur baḌhtī hai jo ġham se jitnā Dartā hai

dil jo ummīd-vār hotā hai
tīr-e-ġham kā shikār hotā hai

shām-e-ġham intizār meñ un ke
maut kā intizār hotā hai

ham apne aap ko apne se kam bhī karte rahte haiñ
aur is nuqsān par bekār ġham bhī karte rahte haiñ

paanī siyāne dete haiñ kyā phūñk phūñk kar
dil soz-e-ġham ne ḳhaak kiyā phūñk phūñk kar

ġham-e-zīst ko na dekho ki fareb-e-zindagī hai
ye masarratoñ ke armāñ to tamām kar ke dekho

nā-sazā hai is ke jalvoñ kī nazākat ke liye
vo ġham-e-hāsil jo tere ishq ke hāsil meñ hai

ġham-e-jānāñ ġham-e-daurāñ bahut haiñ ġham zamāne meñ
magar jo ġham ko apnā.e bahut haiñ kam zamāne meñ

be-kasī-e-dil apnī duur kī hai yuuñ maiñ ne
dūsroñ ke ġham ko bhī apnā ġham banāyā hai

kuchh zindagī meñ ishq-o-vafā kā hunar bhī rakh
rishta ḳhushī se joḌ ġham-e-mo'tabar meñ rakh

har ek ġham nichoḌ ke har ik baras jiye
do din kī zindagī meñ hazāroñ baras jiye

hai ġham-e-roz-e-judā.ī na nashāt-e-shab-e-vasl
ho ga.ī aur hī kuchh shām-o-sahar kī sūrat

maslahat andesha-e-ġham ko zarā kam kar ga.ī
falsafa vo jhuuT shāmil jis meñ dānā.ī bhī hai

rahguzar dil kī na pal-bhar ko bhī sunsān huī
qāfile ġham ke guzarte rahe aksar kyā kyā

jab us kī bazm se chal hī paḌe to sochnā kyā
ki arsa-e-ġham-e-hijrāñ kahāñ guzartā hai

ġham-e-hayāt kī rūdād thī magar 'mumtāz'
samajh liyā use logoñ ne shā.irī merī

dukh ke kāñToñ pe so rahā huuñ maiñ
ġham ke sho.aloñ pe jal rahā hai badan

ḳhvāhish-e-vasl! tirā kyā ho jo ham sāl-ba-sāl
ashra-e-soz ġham-e-hijr manāne lag jaa.eñ

nahīñ ġham jo mujh ko zamāne meñ koī ġham kī daad na de sakā
magar un ke dil pe likhī huī mirī dāstān-e-vafā milī