Tags-Gham

yuuñ na luTī thī galiyoñ daulat apne ashkoñ kī
rote haiñ to ham ko apne ġham-ḳhāne yaad aate haiñ

ek ik gaam pe pathrāv huā hai mujh meñ
silsila ġham kā bahut duur chalā hai mujh meñ

hogī zaa.il na kabhī mere nafas kī ḳhushbū
ġham tirā uud kī mānind jalā hai mujh meñ

ġham hai donoñ kā zabt se bāhar
chhat pe maiñ huuñ aur ek bādal hai

vo aa.e to lagā ġham kā mudāvā ho gayā hai
magar ye kyā ki ġham kuchh aur gahrā ho gayā hai

shab-e-hijr ke kaheñ kyā alam nazar aa.e sub.h ko bahte yam
ki ba-josh-e-bārish-e-abr-e-ġham pe bañdhā sarishk kā taar thā

tap-e-ġham se thā jo jalā-balā mire siine meñ dil-e-mubtalā
so dhuāñ ho yuuñ vo havā huā ki na sho.ala thā na sharār thā

kabhī dast-e-zulf se the baham kabhī ruḳh ke lete the bose ham
shab-o-roz ab to hai dard-o-ġham kabhī vuuñ bhī lail-o-nahār thā

mujhe shab jo nashsha-e-ġham chaḌhā to phirā kiyā maiñ khaḌā khaḌā
rahā ġhash meñ sub.h ko jo paḌā usī kaif kā ye utaar thā

haqīqat-e-ġham-e-ulfat chhupā rahā huuñ maiñ
shikasta-dil huuñ magar muskurā rahā huuñ maiñ

ḳhushiyāñ mujh ko DhūñD rahī haiñ galiyoñ meñ
par ġham haiñ kī ghere ghere phirte haiñ

ġham o ġhussa hai hisse meñ mere
ab ma.īshat hai un hī khānoñ par

apnā jaisā bhī haal rakkhā hai
tere ġham ko nihāl rakkhā hai

kitne tiir khaa.e haiñ kitne ġham uThā.e haiñ
baaz hī nahīñ aatā dil magar dhaḌakne se

aadmī ahd-e-javānī meñ rahā munkir-e-ġham
ab ġham-e-dil kī ḳhabar hai to javānī māñge

mohabbat sirf rūhānī kashish hai
ġham-e-hastī tujhe apnā chukī huuñ

tabī.at kushta-e-ġham ho ga.ī hai
charāġh-e-bazm-e-mātam ho ga.ī hai

ma.āl-e-zabt-e-paiham ho ga.ī hai
masarrat hāsil-e-ġham ho ga.ī hai

hañsī hoñToñ par aate aate 'aḳhtar'
payām-e-girya-e-ġham ho ga.ī hai

maiñ kahīñ aur kā rahne vaalā
ġham kahāñ khīñch ke laayā hai mujhe