Tags-Gham

tum aziiz aur tumhārā ġham bhī aziiz
kis se kis kā gilā kare koī

dil agar dil hai to vābasta-e-ġham bhī hogā
nik.hat-e-gul bhī kahīñ gul se judā rahtī hai

ham ko in sastī ḳhushiyoñ kā lobh na do
ham ne soch samajh kar ġham apnāyā hai

dam-e-āḳhir ilāj-e-soz-e-ġham kahne kī bāteñ haiñ
mirā rasta na rokeñ rāsta leñ chāra-gar apnā

shikan-ālūd bistar har shikan par ḳhuun ke dhabbe
ye hāl-e-shām-e-ġham likkhā hai ham ne tā-sahar apnā

daftar-e-lauh o qalam yā dar-e-ġham khultā hai
hoñT khulte haiñ to ik bāb-e-sitam khultā hai

jaan dene meñ jo lazzat hai bachāne meñ kahāñ
dil kisī se jo bañdhe uqda-e-ġham khultā hai

na chārāgar kī zarūrat na kuchh davā kī hai
duā ko haath uThāo ki ġham kī raat kaTe

ai dil tirī maut kā bhī ġham hai
ḳhush bhī haiñ tirī najāt par ham

luT jā.eñge zabt-e-ġham ke hāthoñ
mar jā.eñge apnī baat par ham

ye bhī tire ġham kā aasrā hai
hañste haiñ ġham-e-hayāt par ham

ek tū hai baat bhī suntā nahīñ
ek ham haiñ terā ġham bhī sah ga.e

haañ ye bhī tarīqa achchhā hai tum ḳhvāb meñ milte ho mujh se
aate bhī nahīñ ġham-ḳhāne tak va.ada bhī vafā ho jaatā hai

savāl dil kā shām-e-ġham ko aur udaas kar gayā
tire vajūd meñ jo ek maiñ thā vo kidhar gayā

vo sail-e-nūr shab kī ibtidā se tā-sahar gayā
dil us ke bal pe apne bahr-e-ġham ke paar utar gayā

ik aur hasīñ ḳhvāb ki miT jaa.e shab-e-ġham
'daurāñ' ko bhī dikhlā.iye ab der na kiije

ḳhār-zār-e-ġham ko pairoñ se kuchalnā hai hameñ
jāda-e-manzil meñ girnā hai sambhalnā hai hameñ

marnā phaḌak phaḌak ke gavārā sahī magar
itnā to ho qafas meñ ġham-e-āshiyāñ na ho

judā.iyoñ kī ḳhalish us ne bhī na zāhir kī
chhupā.e apne ġham o iztirāb maiñ ne bhī

vāhime kī ye mashq-e-paiham kyā
yaas o ummīd shādī o ġham kyā