Tags-Gham

kaifiyyat-e-sukūt se baḌhtā hai aur ġham
qissa koī sunā ki tabī.at udaas hai

pursish-e-ġham pe haath se dāman-e-zabt chhuT gayā
mehr-e-nigāh-e-yār ne luuT liyā luTā diyā

aa.e bhī yā na aa.e ab mujh ko ġharaz bahār se
kaif-e-ġham-e-bahār ne luuT liyā luTā diyā

jab mujhe ghertā hai ġham 'tābāñ'
sāġhar-e-mai ko bhar pilātā huuñ

asar-e-ġham zarā batā denā
vo bahut pūchhte haiñ kyā hai ishq

safī' kahāñ kī shikāyat kahāñ kā ġham-ġhussa
kisī kā ain laḌā.ī meñ haa.e hañs denā

mere afkār ko detī hai jilā us kī jafā
ġham na hote to ye qirtās sañvartā hī nahīñ

mauja-e-ġham ne to dam toḌ diyā
rah gayā aañkh meñ paanī phir bhī

jo tire hijr meñ milā 'momin'
bas vahī ġham ḳhushī sā lagtā hai

jin jhūTe sachche ḳhvāboñ kī ta.abīr ġham-e-tanhā.ī hai
un jhūTe sachche ḳhvāboñ se tum kab tak dil bahlāoge

tum ḳhalvat-e-ġham se niklo to is shahr meñ aise log bhī haiñ
ik baar jo un ko dekhoge to dekhte hī rah jāoge

mirī nākāmi-e-ġham zauq-e-hairānī banātī hai
ye duniyā duur se merī nazar meñ jagmagātī hai

na ġham fursat hī detā hai na aañsū band hote haiñ
barastā jā rahā hai meñh badlī bantī jaatī hai

shaam ho jaa.e to din kā ġham manāne ke liye
ek shola sā munavvar apne andar dekhnā

suḳhan mushtāq hai aalam hamārā
bahut aalam karegā ġham hamārā

har ek ġham se salāmat guzar gayā hai dil
ḳhudā kare ki mohabbat kī taab le aa.e

ġham-e-dil pe shikast-e-talab-e-jāñ kā hai bhārī
miT jaate tag-o-tāz meñ paspā to na hote

sahrā sahrā ġham ke bagūle bastī bastī dard kī aag
jiine kā māhaul nahīñ hai lekin phir bhī jiite haiñ

sarishk-e-ġham kī ravānī thamī hai mushkil se
jo baat kahnī thī un se kahī hai mushkil se

shā.istagī-e-ġham ke sabab āñkhoñ ke sahrā
namnāk to ho jaate haiñ jal-thal nahīñ hote