Tags-Gham

yuuñ to saikḌoñ ġham the par ġham-e-jahāñ 'jazbī'
ba.ad ek muddat ke dil ko sāzgār aayā

shām-e-ġham karvaT badaltā hī nahīñ
vaqt bhī ḳhuddār hai tere baġhair

tire sulūk kā ġham sub.h-o-shām kyā karte
zarā sī baat pe jiinā harām kyā karte

ab kyuuñ DhūñDūñ vo chashm-e-karam hone de sitam bālā-e-sitam
maiñ chāhtā huuñ ai jazba-e-ġham mushkil pas-e-mushkil aa jaa.e

fursat ġham-e-daurāñ se miltī hī nahīñ 'arshad'
dil meñ liye phirte haiñ mauj-e-inabī kab se

merā bhī to ik dost thā ġham bāñTne vaalā
ab dasht-e-balā meñ vahī jaanī nahīñ miltā

daaġh dil ke dikhā.ūñ maiñ kis ko
apnā apnā har ek kā ġham hai

cholī dāman kā saath hai un kā
zindagī hai jahāñ vahāñ ġham hai

bhulātā huuñ magar ġham kī daraḳhshānī nahīñ jaatī
vo ā.īna muqābil hai ki hairānī nahīñ jaatī

kahāñ tak saath de saktī haiñ āñkheñ sozish-e-dil kā
bahut royā magar ġham kī girāñ-jānī nahīñ jaatī

ġham-e-firāq kī manzil 'ra.īs' ḳhatm huī
ab aage jalve hī jalve haiñ hijr-e-yār ke ba.ad

ho duur is tarah ki tirā ġham judā na ho
paas aa to yuuñ ki jaise kabhī tū milā na ho

tire ishq meñ saath apne 'nasīr'
liye hasrat-o-dard-o-ġham ko chalā

rāh-e-ġham meñ ham se vo yuuñ kashāñ kashāñ chale
jaise bach ke ishq se husn-e-bad-gumāñ chale

dil kī anjuman se yuuñ jā rahā hai zabt-e-ġham
jaise raaz kholne koī rāz-dāñ chale

to ab ye dukh bhī duniyā baañT legī
mujhe is baat kā ġham khā rahā hai

mukammal kar gayā jal kar hayāt-e-ġham ko parvāna
aur ik ham the ki afsāna bhī chhoḌā nā-tamām apnā

bāda-e-ġham se hai sarshār mirā bātin bhī
aur isī ġham se ujālā hai ye bāhar saarā

dāġh-e-dil zaḳhm-e-jigar kulfat-e-ġham dard-e-firāq
hazrat-e-ishq ne kyā kyā nahīñ tohfa bhejā

luTā ke rāh-e-mohabbat meñ har ḳhushī maiñ ne
liyā hai ġham kā sahārā abhī abhī maiñ ne