Tags-Gham

koī to jur.a-kash-e-jām-e-arġhavānī ho
kisī ko hijr ke ġham meñ lahū rulā.e bahār

hogā na kisī se bhī tire ġham kā mudāvā
bīmār bhī to tū hī masīhā dil-e-nādāñ

ġham tirā jalva-gah-e-kaun-o-makāñ hai ki jo thā
ya.anī insān vahī sho.ala-ba-jāñ hai ki jo thā

fikr-e-imroz o ġham-e-fardā sarāsar be-mahal
tū agar ghar meñ hai to sab kuchh hamāre ghar meñ hai

jaane kis ġham ko rihā.ī de rahe
aañkh meñ jo ashk hai aayā huā

aaise ġham-e-tūfāñ meñ akasr ik zid ko ik zid kaaT ga.ī
shāyad ki nahañg-āsār havā kuchh ab ke harīf-e-dām chale

ai vādi-e-ġham ye mauj-e-havā ik sāz-e-rāh-e-sapārāñ hai
ruktī huī rau ḳhvāboñ kī koī yā sub.h chale yā shaam chale

saare hī is chaman se havā-ḳhvāh uTh ga.e
ro.uuñ guloñ ko yā maiñ ġham-e-rañg-o-bū karūñ

ḳhaak sar par kar bagūle se ġham-e-majnūñ meñ haa.e
phāḌtā hai dāman-e-sahrā garebāñ al-ayāz

ġham-e-āfāq hai rusvā ġham-e-dil-bar ban ke
tohmat-e-ishq lagī ham pe suḳhan-var ban ke

vo nahīñ maut sahī maut nahīñ niiñd sahī
koī aa jaa.e shab-e-ġham kā muqaddar ban ke

aah ye uqda-e-ġham bazm-e-tarab meñ bhī 'hafīz'
bār-hā aañkh chhalak jaatī hai sāġhar ban ke

rone kī tarkīb hamāre aa.ī kaam
ġham kī miTTī paanī pā kar baiTh ga.ī

mirī jaan aaj kā ġham na kar ki na jaane kātib-e-vaqt ne
kisī apne kal meñ bhī bhuul kar kahīñ likh rakhī hoñ masarrateñ

lafz yuuñ ḳhāmushī se laḌte haiñ
jis tarah ġham hañsī se laḌte haiñ

shab-e-furqat kā ik dariyā-e-ġham hai beach meñ haa.il
jo maiñ is paar baiThā huuñ to vo us paar baiThe haiñ

fart-e-ġham-o-alam se jab dil huā hai giryāñ
us ne ināyatoñ ke dariyā bahā diye haiñ

jigar meñ dard to hai dil meñ iztirāb to hai
tumhāre ġham meñ mirī zindagī ḳharāb to hai

har masarrat ġham-e-dīroz kā unvān banī
vaqt kī god meñ lamhāt ne dam toḌ diyā

is kā ġham chhoḌ kahāñ kaise kaTī hijr meñ umr
vo ghaḌī soch jise saath guzārā hai bahut