Tags-Gham

agar kho gayā ik nasheman to kyā ġham
maqāmāt-e-āh-o-fuġhāñ aur bhī haiñ

kisī pe khultā bhī kyā apnā karb-e-ġham 'mohsin'
na koī marsiyāñ-ḳhvāñ thā na nauhagar apnā

kyā kahūñ bīmārī-e-ġham kī farāġhat kā bayāñ
jo ki khāyā ḳhūn-e-dil be-minnat-e-kaimūs thā

kyuuñ dilā bistar-e-ġham par hai tū ḳhāmosh paḌā
kuchh to kah mujh se kisī ne ye kahā tujh ko kyā

mire bāhar fasīleñ thiiñ ġhubār-e-ḳhāk-o-bārāñ kī
milī mujh ko tire ġham kī ḳhabar āhista āhista

munsalik ik ḳhushī se huī har ḳhushī
saare ġham ek hī ġham meñ laf ho ga.e

kis kī dil-jūī kareñ kis ko mubārakbād deñ
jab ḳhushī aur ġham ke huuñ yaksar sabab badle hue

ġham o nashāt kī har rahguzar meñ tanhā huuñ
mujhe ḳhabar hai maiñ apne safar meñ tanhā huuñ

muḳhtalif apnī kahānī hai zamāne bhar se
munfarid ham ġham-e-hālāt liye phirte haiñ

ek ham haiñ ki ġham-e-dahr se fursat hī nahīñ
ek vo haiñ ki ġham-e-zāt liye phirte haiñ

duā hai apnī yahī shab-e-ġham na ho kabhī iztirāb-e-dil kam
ye zindagī zindagī kahāñ phir jo dil ko apne qarār aayā

sukūn ho kis tarah mayassar nasīb ho chain kaise āḳhir
na maut aa.ī marīz-e-ġham ko na vo shab-e-intizār aayā

mirā jism tahlīl-e-ġham ho chuke jab
to ban jaa.e ḳhūñ-gashta-e-faryād yārab

ye chādar ek alāmat banī huī thī yahāñ
dar-asl ġham kā libāda bahut zarūrī thā

maiñ nafs-parastī se sadā ḳhvār rahā
zulmat-kada-e-ġham meñ giraftār rahā

aaj ye taskīn kaafī hai ki kal roz-e-jazā
rūedād-e-zīst kah kar dād-e-ġham paanī to hai

dekhiye bāzār-e-mahshar meñ ye kin dāmoñ bike
jins-e-ġham kī ḳhair se duniyā meñ arzānī to hai

dāstāñ jab bhī apnī dohrā.ī
ġham ne kī hai baḌī pazīrā.ī

ham ne ġham ke māroñ kī mahfileñ bhī dekhīñ haiñ
ek ġham-gusār uThā ek ġham-gusār aayā