Tags-Gham

shaam guzrī hai abhī ġham kī sahar baaqī hai
ik safar ḳhatm huā ek safar baaqī hai

kuchh hañsī khel sambhalnā ġham-e-hijrāñ meñ nahīñ
chāk-e-dil meñ hai mire jo ki garebāñ meñ nahīñ

ham-zād hai ġham apnā shādāñ kise kahte haiñ
vāqif nahīñ ishrat kā sāmāñ kise kahte haiñ

ġham hī le de ke mirī daulat-e-bedār nahīñ
ye ḳhushī bhī hai mayassar koī ġham-ḳhvār nahīñ

baat āsān farāvāni-e-ġham ne kar dī
ab mujhe shikva-e-nā-kāmi-e-iz.hār nahīñ

qissa-e-ġham bhī vahī maiñ bhī vahī dil bhī vahī
par vo pahlā sā ḳhulūs-e-dar-o-dīvār nahīñ

ġham-e-daurāñ ġham-e-jānāñ kā nishāñ hai ki jo thā
vasf-e-ḳhūbāñ ba-hadīs-e-digrāñ hai ki jo thā

kyā kījiye numā.ish-e-ġham ḳhūn-e-dil ke ba.ad
ab ārzū-e-dīda-e-ḳhūñbār bhī nahīñ

tirī samajh meñ na aa sakegī kisī ke ashkoñ kī qadr-o-qīmat
abhī hai nā-āshnā-e-ġham tū abhī tirā dil dukhā nahīñ hai

shām-e-ġham bhī guzar ga.ī hai 'zafar'
khelte khelte ġhubāroñ se

husn-e-fitrat ke amiiñ qātil-e-kirdār na ban
shohrat-e-ġham ke liye raunaq-e-bāzār na ban

talḳhī-e-kām-o-dahan se kahīñ ġham dhulte haiñ
zālimo talḳhī-e-ayyām kī kuchh baat karo

dard-o-ġham ko bhī hai nasība shart
ye bhī qismat sivā nahīñ miltā

sitāre siskiyāñ bharte hai shab-bhar
kabhī to aañkh bhī ġham kā pata de

apnā to us ne saath nibhāyā hai umr-bhar
kuchh log kah rahe haiñ ki ġham mustaqil nahīñ

soz-e-ġham chiiz hai kyā kuchh hameñ ma.alūm to ho
ye maraz hai ki davā kuchh hameñ ma.alūm to ho

tujh ajnabī kā ho kyā ġham ki is añdhere meñ
maiñ apne-āp ko ḳhud dekhtā to Dar jaatā

ġham kā āhañg hai
is shaam kī tanhā.ī meñ

sitāre palkoñ pe jalva-gar the shikast-e-azm-e-fuġhāñ se pahle
ġham-e-nihāñ se zamāna vāqif thā sharh-e-soz-e-nihāñ se pahle

unheñ ye zid hai suneñge merī zabāñ se merā fasāna-e-ġham
maiñ sochtā huuñ fasāna-e-ġham sunā.ūñ bhī to kahāñ se pahle