Tags-Gham

koī shikva na ġham na koī yaad
baiThe baiThe bas aañkh bhar aa.ī

mile sakūñ dil-e-muztar ko vo jagah hai kahāñ
jahān-e-ġham se bhī ham duur jā ke dekheñge

jis ke muñh kī utar ga.ī loī
ġham nahīñ us ko kuchh kaho koī

ek chehra mustaqil ashkoñ ke ā.īne meñ hai
kuchh batā ai umr-e-ġham āḳhir nazar meñ kaun hai

ashk-e-ġham-e-ulfat meñ ik rāz-e-nihānī hai
pī jaao to amrit hai bah jaa.e to paanī hai

ab aur kis se tire ġham kā tazkira karte
tamām-rāt rahī guftugū sitāroñ se

udāsiyoñ ko na chhūne de phuul sā paikar
abhī kuchh aur tujhe ahl-e-ġham pe hañsnā hai

do-ghaḌī saañs to lene de mujhe ai ġham-e-dahr
koī har aan mashaqqat to nahīñ kar saktā

jihād-e-ġham meñ koī sust zarb merī tarah
giraft-e-maisara-e-ashk-o-āh meñ aayā

ġham yaar kā na bhūle so baaġh agar dikhā deñ
kab dil chaman meñ vā ho mātam-rasīdgāñ kā

ḳhūgar-e-aish nahīñ fitrat-e-shorīda-sarāñ
ġham-o-andoh-talab soz-e-nihānī māñge

apne ḳhvāboñ pe hai sharminda shab-e-ġham-dīda
sub.h-e-ma.asūm usī shab kī kahānī māñge

aaj ho shāyad kisī ko ātish-e-ġham kī ḳhabar
shukr hai ab ustuḳhvāñ bū-e-vafā dene lage

ġham-e-ishq kī sunī dāstāñ to kaleja thaam ke yaar ne
ye kahā ki qissa ajiib thā mire dil ko us ne kuḌhā diyā

mire ḳhat ko us ne na jab paḌhā mire nāma-bar ko bhī ġham huā
kahā muddatoñ kā jo aasrā thā vo aaj tum ne miTā diyā

ye ġham nahīñ ki mujh ko jāgnā paḌā hai umr bhar
ye rañj hai ki mere saare ḳhvāb koī le gayā

ġham-zadā.ī meñ ġham-fazā kyā kuchh
dil-rubā yā na jāñ-rubā hai ishq

ġhamza sā ġhamza ġham meñ kartā hai
kuchh se kuchh ab to ho gayā hai ishq

maiñ jī rahā huuñ ġham-kada-e-rozgār meñ
terī mohabbatoñ kā sahārā liye hue

tumhārā ġham ise āshob-e-sarasar bachā.e gā
havāoñ se bhaḌak uTThī hai sham-e-zindagī apnī