Tags-Gham

ġham-e-firāq meñ lazzat sahī magar 'aslam'
mirī hayāt mirā ḳhūñ-bahā na ho jaa.e

dā.imī kar liyā us ko ki sar-e-arsa-e-shab
dil ko jo sā.at-e-ġham dene dilāse aa.ī

ye kis kī āñkhoñ se barsegā abr-e-sub.h-e-alam
shab-e-nashāt banā.egī ġham-gusār kise

ye ain ḳhudī ishq ke āsār meñ hai ġham
pahlū se hai kam duur muqābil se bahut duur

ġham kā tūfāñ bhī agar aa.e to kuchh fikr na kar
qaum kā dard har ik dil meñ magar paidā kar

zulmat-e-ġham kā nishāñ tak na nazar aa.e kahīñ
vo ḳhayālāt kī duniyā meñ sahar paidā kar

shikve kī charchā hotī hai chupke hī rahnā behtar hai
dil ko jalānā dil-sozī hai ye ġham-e-duniyā ġham-ḳhvārī hai

hijr sitam hai kulfat-o-ġham hai kis se kahiye haal apnā
din ko paḌe rahnā muñh Dhāñke raat ko girya-o-zārī hai

hai ai 'sirāj' har shab mahtāb-rū ke ġham meñ
aañsū kā mere jhamkā jyuuñ ḳhosha-e-surayyā

vo terā ġham thā merā aks thā yā vāhima thā
jo mere rū-ba-rū thā ā.inoñ meñ kaun thā vo

ishq kā ġham vo bhī tere ishq kā
kaun kar saktā mirī ġham-ḳhvāriyāñ

be-ḳhūdī-e-ishq jaise ġham kī niiñd
ġham kī nīndeñ ruuh kī bedāriyāñ

saiñkaḌoñ ranj o alam dard o musībat shab-e-ġham
kitnī hañgāma-talab hai mirī tanhā.ī bhī

maiñ bhalā kyuuñ kahtā gar miltī ḳhushī
zindagī ġham ke sivā kuchh bhī nahīñ

koī ta.assur ho zindagī kā
kareñ ḳhushī ġham bayān chehre

ham ko tāsīr-e-ġham se marnā hai
ab isī rañg meñ nikharnā hai

dil-e-muztar kā ḳhuun karnā hai
nāla-e-ġham meñ dard bharnā hai

ġham na siine se lagā.e maiñ jahāñ se jaatā
mujh ko duniyā meñ jo miltā koī ġham-ḳhvār miyāñ

'faiz' aur 'faiz' kā ġham bhūlne vaalā hai kahīñ
maut ye terā sitam bhūlne vaalā hai kahīñ

apne ġham meñ bhī us ko sarfa hai
na khilā jaane vo na khā jaane