Tags-Gham

baare ġham-e-firāq uThātā rahā huuñ maiñ
sham.a jalā jalā ke bujhātā rahā huuñ maiñ

jaane se tire aa.e mire dil meñ ġham-o-rañj
pahle to sivā tere guzar thā na kisī kā

bole vo hujūm-e-ġham-o-hasrat ko jo dekhā
kyuuñ is meñ raheñ ham ki hai kāshāna kisī kā

zulf-e-darāz qissa-e-ġham meñ ulajh na jaa.e
andeshā-hā-e-ishq kahāñ haiñ kahāñ nahīñ

duniyā sabab-e-shorish-e-ġham pūchh rahī hai
ik mohr-e-ḳhamoshī hai ki hoñToñ pe lagī hai

dil jigar kī yā jigar dil kī azā-dārī kare
ek hī aalam hai kis kī kaun ġham-ḳhvārī kare

mai-e-ishrat talab karte the nāhaq āsmāñ se ham
vo thā labrez-e-ġham is ḳhum-kade se jo subū niklā

jaane kyā dil ko mohabbat meñ sahārā ho gayā
yā ḳhushī bhī baar thī yā ġham gavārā ho gayā

shiddat-e-ġham aur phir tākīd-e-zabt-e-āh bhī
lekin ik majbūr-e-ulfat ko gavārā ho gayā

na jhūToñ bhī utnā kisī ne kahā
shab-e-ġham tirī be-sahar ho ga.ī

rañg ḳhushiyoñ ke kal badalte hī
ġham ne thāmā mujhe phisalte hī

raat bhar dard kī sham.a jaltī rahī
ġham kī lau thartharātī rahī raat bhar

tamām hogī tabhī to kitāb-e-zīst 'razā'
ġham-e-hayāt ke jab intisāb utreñge

miliye us shaḳhs se jo aadam hove
naaz us ko kamāl par bahut kam hove

ye jo har dukh sahne vaalā dukh kā mudāvā jaan gayā hai
mazlūmoñ majbūroñ kā ġham ye jo mire sheroñ meñ Dhalā hai

ik ġham-añgez haqīqat hai hamārī hastī
qissa-ḳhvāñ terī ġham-añgez kahānī kī qasam

tum ne mere dar pe lā chhoḌā use achchhā kiyā
varna yuuñ hī be-sabab ye ġham bhaTaktā har-taraf

mere ġham par jo hañs rahe ho tum
maiñ bhī yūñhī tumheñ satā.ūñ to phir

ham akele nahīñ rahte shab-e-tanhā.ī meñ
yās-o-andoh-o-ġham o hasrat-o-nākāmī hai

jahāñ meñ shādī o ġham se nahīñ hai duur koī
ḳhizāñ adū hai mirā ek aur bahār hai ek