Tags-Gham

zālim dam-e-naz.a na aayā afsos
afsāna-e-ġham na sunñe paayā afsos

sub.h hogī to zālim zamāne ke ġham tum pe abr-e-sitam ban ke chhā jā.eñge
fursat-e-bazm-e-shab se ghaḌī-do-ghaḌī baat aapas kī koī karo dosto

bhūlī-bisrī ḳhvāhishoñ kā bojh āñkhoñ par na rakh
ḳhūb-sūrat ā.īnoñ meñ ġham kā pas-manzar na rakh

hausle apne rahnumā to hue
hādse ġham kā aasrā to hue

vādi-e-ġham ke ham khañDar hī sahī
aane vāloñ kā rāsta to hue

un ko apnā hī ġham sahī lekin
vo kisī ġham meñ mubtilā to hue

ubhāro to zarā shāyad mirā Duubā huā dil ho
koī shai bahr-e-ġham meñ tah-nashīñ ma.alūm hotī hai

tujh se hijāb kyā magar ai ham-nashīñ na pūchh
us dard-e-hijr ko jo shab-e-ġham uThā nahīñ

bujhā.ī āñsuoñ ne ātish-e-ġham
magar bhaḌkā diyā hai bekalī ko

bas ab to harf-e-nadāmat ko sabt-e-dā.em de
sabā-sifat the risāle ġham-e-mohabbat ke

rañg kachchā hai tire shahr-e-vafā kā jānāñ
ġham kī ik lahr chalegī to utar jā.egā

dahr meñ ab muskurāne kī hameñ fursat nahīñ
dil hujūm-e-ġham banā ġham āh-e-afsāna huā

zindagānī rañj aur ġham ke sivā kuchh bhī nahīñ
uf ki har-dam sog-o-mātam ke sivā kuchh bhī nahīñ

tumhīñ to ho shab-e-ġham meñ jo merā saath dete ho
sitāro tum ko niiñd aatī nahīñ maiñ kaise so jā.ūñ

go qāfila chalā gayā tū ġham-zada na ho
vo dekh uTh rahā hai abhī bhī ġhubār bhaag

ġham-e-duniyā se mile mujh ko rihā.ī ai 'nabīl'
merī aahoñ kā agar us pe asar ho jaa.e

fursat kahāñ ki DhūñDe ġham-e-dahr kā ilaaj
har shaḳhs apne ġham ke hisāboñ meñ qaid hai

kahūñ to kis se kahūñ apne dil kī taklīfeñ
mire hī ġham meñ mirā ġham-shanās Duub gayā

'nadīm' apne ġhamoñ se nikal chukā thā magar
ġham-e-jahān se ho kar udaas Duub gayā

ga.ī yak-ba-yak jo havā palaT nahīñ dil ko mere qarār hai
karūñ us sitam ko maiñ kyā bayāñ mirā ġham se siina figār hai