Tags-Gham

dekhe-bhāle rāste ġham ke tamām
dil kī galiyāñ jānī-pahchānī bahut

giraftārī kī lazzat aur nirā āzād kyā jaane
ḳhushī se kāTnā ġham kā dil-e-nāshād kyā jaane

kaun sā bhūlā-bisrā ġham thā jo aayā hai yaad
rah rah kar phir dil meñ uTThe dard kī mīThī lahar

bahut tavīl shab-e-ġham hai kyā kiyā jaa.e
umīd-e-sub.h bahut kam hai kyā kiyā jaa.e

kuchh ġham firāq kā hai na kuchh vasl kī ḳhushī
huuñ us ke zauq-o-shauq meñ masrūr raat din

kyā us ko batā.ūñ hijr ke ġham
jis par mirā haal aa.ina hai

maiñ kis se kahūñ fasāna-e-ġham
har ek kā dil dukhā huā hai

ziist kā hāsil banāyā dil jo goyā kuchh na thā
ġham ne dil ko dil banāyā varna kyā thā kuchh na thā

lab pe aayā na us kā naam kabhī
ġham kī parhez-gāriyāñ na ga.iiñ

hijr kī shab thī kyā ġhazab had ke sahe ġham-o-ta.ab
sub.h-e-visāl aa.ī ab jaan bachī balā Talī

ghar gayā zehn ġham-e-zīst ke andāzoñ meñ
har hathelī pe dhare soch rahā huuñ baiThā

chand aañsū ġham-e-gītī ke liye chand nafas
ek ghaav hai jise yuuñ hī siye jaate haiñ

ghir gayā zehn ġham-e-zīst ke andāzoñ meñ
kaisā tālāb hai jo us ko harā kar na sakā

kaash is vaqt koī pīr-e-ḳhamīda aa kar
mere shānoñ ko thapaktā ġham-e-tanhā.ī meñ

vo aa.ī shām-e-ġham vaqf-e-balā hone kā vaqt aayā
taḌapne loTne kā dam fanā hone kā vaqt aayā

udāsī har sahar kahtī hai mujh se bazm-e-anjum kī
uTh ai ġham-dīda uTh mahv-e-bukā hone kā vaqt aayā

va.ada bhī qayāmat kā bhalā koī hai va.ada
par dil nahīñ ḳhālī ġham-e-dīdār se ab tak

sambhālā jis din se hosh ham ne vatan ko kul chand baar dekhā
na kī azīzoñ kī ġham-gusārī na phir ke apnā dayār dekhā

batā mujh ko tarīqa ai shab-e-ġham saal kaTne kā
koī baara mahīne tiis din kyā kar ke din kaaTe

ġham dā.imī hai aur ḳhushī aarzī sī chiiz
is vāste qarīb nahīñ haiñ ḳhushī se ham