Tags-Gham

tire firāq meñ jo aañkh se ravāñ huā hai
vo ashk-e-ḳhūñ hī mire ġham kā tarjumāñ huā hai

bichhaḌ ke tujh se thā 'ḳhurshīd' kā Thikāna kyā
ḳhushā-nasīb shab-e-ġham kā āstāñ huā hai

ek duniyā ko giraftār-e-ġham-e-jāñ dekhā
yuuñ na hotā to tamāshā nazar aate ḳhud ko

sahte sahte ġham pe ġham aadī ġhamoñ ke ho ga.e
karvaToñ par karvaTeñ badlīñ to sonā paḌ gayā

zubūñ hai is qadar duniyā kī hālat
hamārā ġham bhī ḳhasta ho gayā hai

ārzuoñ ko taḌap kar niiñd sī aatī ga.ī
qissa-e-bīmār-e-ġham yuuñ muḳhtasar hotā rahā

talḳhi-e-ġham se na pal bhar ke liye fursat milī
umr bhar go chāra-e-dard-e-jigar hotā rahā

jab thakī-māñdī paḌī sotī ho har shorish-e-ġham
hijr kī raat ko kis tarah guzārā jaa.e

shahr-e-ġham kī ek udāsī dil meñ har-dam rahtī thī
dīvāroñ se sar Takrānā ham ko achchhā lagtā thā

nashsha-e-ġham kī sarshārī bhī kam to nahīñ thī phir bhī 'adīb'
talḳhi-e-mai meñ zahr milānā ham ko achchhā lagtā thā

na dam le ai sarishk-e-ġham tujhe qasam hai ishq kī
falak ko chhoḌtā hai kyuuñ agar mujhe Dubo chukā

nigāh-e-dil-doz kī duhā.ī jamāl-e-jāñ-soz kī duhā.ī
rah-e-mohabbat meñ ġham ne luuTā shakeb o sabr o qarār merā

dard-o-ġham-e-firāq ke ye saḳht marhale
hairāñ huuñ maiñ ki phir bhī tum itne hasīñ rahe

ek aañsū na bahā.ūñ ġham-e-duniyā ke liye
ġham-e-jānāñ ke liye haiñ mire saare aañsū

dil ko mahv-e-ġham-e-dildār kiye baiThe haiñ
riñd bante haiñ magar zahr piye baiThe haiñ

tere sar-e-azīz kī bālish ho ḳhaak se
bālīn-e-ġham se ab na uThā.ūñgā sar ko maiñ

kyā fikr-e-āb-o-nān ki ġham kah rahā hai ab
maujūd huuñ ziyāfat-e-dil aur jigar ko maiñ

hamīñ ne 'fauq' chāhā zindagī ko
hamīñ se kisht-e-ġham phūlī-phalī thī

bas ai ġham-e-ġhammāz mirī āh-e-jigar se
la.anat hai tirā baam pe thālī kā bajānā

tum apne marīz-e-ġham-e-hijrāñ kī ḳhabar lo
sauñpā hai agar dard to darmāñ kī ḳhabar lo