Tags-Gham

harīm-e-dil meñ tujh ko kāvish-e-ġham ham bhī pūchheñge
tasavvur meñ tire aksar sanam-ḳhāne bhī hote haiñ

ai dost! tirī aañkh jo nam hai to mujhe kyā
maiñ ḳhuub hañsūñgā tujhe ġham hai to mujhe kyā

uḌāyā tezī-e-bād-e-sabā ne gar to ġham kyā hai
ġhubār apnā bulandī par rahegā āsmāñ ho kar

mirī kāhīdgī aur nā-tavānī pūchhte kyā ho
ġham-e-hijrāñ dabātā hai mujhe bār-e-garāñ ho kar

tum apne ġham kī talḳhī bhī milā do
sharāb-e-zindagī meñ hai nasha kam

tum saḳhtī-e-rāh kā ġham na karo har daur kī raah meñ ham-safaro
jahāñ dasht-e-ḳhizāñ vahīñ vādī-e-gul jahāñ dhuup kaḌī vahāñ chhāñv ghanī

ye dil ki hai Thukrāyā huā saare jahāñ kā
ghar ek yahī hai jo tire ġham ko milegā

hujūm-e-yās hī 'iqbāl' tamhīd-e-masarrat hai
ḳhushī kā baab khultā to hai lekin ġham ke unvāñ se

dil tañg na ho ai rah-rav-e-ġham kāñToñ ke liye to kam se kam
mānind-e-naved-e-abr-e-karam ye paañv ke chhāle hote haiñ

thā ik talātum mai-e-taḳhayyul ke jām-o-ḳhum meñ to jal-tarañgoñ pe chhiḌ ga.ī dhun
jo parda-dār-e-nashāt-e-ġham hai jo zaḳhma-kār-e-navā-garī hai vo shā.irī hai

tirā ġham samā gayā hai mire dil kī dhaḌkanoñ meñ
koī aish jab bhī aayā mire dil ne bad-duā dī

hameñ āḳhirat meñ 'āmir' vahī umr kaam aa.ī
jise kah rahī thī duniyā ġham-e-ishq meñ gañvā dī

pas-e-ġhubār vaqt yuuñ pukārtā hai kaun ye
ki hijr-o-ġham kā silsila batāo kyuuñ gavārā hai

tumhārī furqat meñ merī āñkhoñ se ḳhuuñ ke aañsū Tapak rahe haiñ
sip.har-e-ulfat ke haiñ sitāre ki shām-e-ġham meñ chamak rahe haiñ

mujh ko ab ġham ye hai ki baad mire
ḳhātir-e-yār be-malāl nahīñ

aap nādim na hoñ ki 'hasrat' se
shikva-e-ġham kā ehtimāl nahīñ

ḳhushī ne mujh ko Thukrāyā hai dard-o-ġham ne paalā hai
guloñ ne be-ruḳhī kī hai to kāñToñ ne sambhālā hai

nasheman hī ke luT jaane kā ġham hotā to ġham kyā thā
yahāñ to bechne vāloñ ne gulshan bech Daalā hai

agar ronā hai to rone kī ḳhātir
husain ibn-e-alī kā ġham bahut hai

mirī pyaas kā muqaddar to ye tishnagī hī Thahrī
ġham-e-ishq kī thī chhāgal maiñ chhalak ke jā rahī huuñ