Tags-Gham

jab bhī miltā hai to bas TuuT ke miltā hai mujhe
apne ġham kā mujhe ḳhūgar nahīñ hone detā

maiñ apne ġham ke ḳhazāne kahāñ chhupā.ūñgā
agar kahīñ se koī indimāl aa jaa.e

jaur-e-zamīñ na thā sitam-e-āsmāñ na thā
vo bhī thā vaqt jab ki ġham-e-do-jahāñ na thā

vo chale ḳhizāñ ke Dere ki hai āmad-e-bahārāñ
shab-e-ġham ke rah-nashīnoñ kaho ab salāh-e-yārāñ

mire ek dil kī ḳhātir ye kashākash-e-havādis
tire ek ġham ke badle ye hujūm-e-ġham-gusārāñ

intihā-e-ġham meñ mujh ko muskurānā aa gayā
haa.e ifāqā-e-mohabbat kā bahānā aa gayā

jo vaj.h-e-rāhat bhī na the aur TuuT ga.e to ġham na huā
aah vo rishte kyuuñ ham ne ik umr nibāhe rakkhe the

aa gayā manzil pe har patthar ko Thukrātā huā
aap ke ġham ko har ik ġham kī sipar samjhā thā maiñ

na rakhtā gar na rakhtā muñh pe ye daanā marīz-e-ġham
magar terā mayassar bosa-e-ḳhāl-e-dahāñ hotā

ham ahl-e-ġham ke paas dil-e-ḳhūñ-chakāñ to hai
tum ko sunā.eñ haal vo tarz-e-bayāñ nahīñ

us ko mahfil meñ jo dekhā tapish-e-ġham kā sharīk
le liyā sham.a ne āġhosh meñ parvāne ko

ye ġham mirā hai to phir ġhair se ilāqa kyā
mujhe hī apnī tamannā kā baar Dhone de

aisī manzil pe aa gayā huuñ dost
tire ġham kā faqat sahārā hai

apne 'darshan' pe ik nigāh-e-karam
ki ġham-e-zindagī kā maarā hai

vaqār-e-mādar-e-hindostāñ the gāñdhī jī
har ek fard ke hamdard ġham-gusār-e-vatan

mil hī jaate haiñ pashīmāni-e-ġham ke asbāb
shauq-e-hirmāñ kī mudārāt chalī jaatī hai

fikr-e-fardā o ġham-e-dosh bhulā de aa kar
phir usī naaz se dīvāna banā de aa kar

har ek ġham ko isī zid meñ bhuul jā.ūñgā
vo kah rahe haiñ ki 'razmī' bhulā ke dekh hameñ

ġham aur ḳhushī nahīñ mauqūf rone hañsne par
aur in havāloñ se iz.hār mo'tabar bhī nahīñ

ḳhayāl-e-tāza umaDte haiñ bādaloñ kī tarah
mujhe ye ġham ki mirā zarf-e-shā.irī kam hai