Tags-Gham

barbād sahī lekin barbād-e-ġham-e-dil huuñ
āñkhoñ se lagā mujh ko gard-e-rah-e-manzil huuñ

mauj-e-ġham-e-jānāñ ho yā mauj-e-ġham-e-daurāñ
aane do mire dil tak har mauj kā sāhil huuñ

hastī ko ġham-e-ālam aalam ko ġham-e-hastī
zindāñ se bayābāñ tak ik silsila-e-dil huuñ

dil-e-nā-subūr ko phir vahī but-e-bevafā kī talāsh hai
ġham-e-ibtidā to uThā chukā ġham-e-intihā kī talāsh hai

tirā ġham hī ġham rahe umr-bhar tire ġham meñ ḳhud ko fanā karūñ
mujhe ibtidā-e-shu.ūr se isī intihā kī talāsh hai

tire is ilaaj meñ dam nahīñ tirī bas kā rog ye ġham nahīñ
mire dard ke liye chāragar tujhe kyuuñ davā kī talāsh hai

kab talak piitā rahūñ ai zindagī maiñ jām-e-ġham
kab talak mujh se rahe kā yuuñ ḳhafā merā nasīb

ik ashk armīda-e-zabt-e-ġham-e-firāq
mauj-e-havā-e-shauq hai dariyā kaheñ jise

māyūs na jā aa ġham-e-daurāñ mire nazdīk
tū hī mirī bāñhoñ meñ machalne ke liye thā

ḳharīd sakte haiñ duniyā meñ ishrat-e-parvez
ḳhudā kī den hai sarmāya-e-ġham-e-farhād

ḳhūgar-e-zulm-o-jaur ko shikva-e-iltifāt hai
qalb se uTh ke chhā ga.ī ġham kī ghaTā nigāh meñ

phir hujūm-e-ġham-o-jazbāt kabhī ho ki na ho
tum se kahne ko koī baat kabhī ho ki na ho

jo jalātā hai mire ġham ke añdheroñ meñ charāġh
mere hāthoñ meñ vahī haat kabhī ho ki na ho

ye to dekhā ki mire haath meñ paimāna hai
ye na dekhā ki ġham-e-ishq ko samjhānā hai

sharh-e-jāñ-sozī-e-ġham-e-arz-e-vafā kyā karte
tum bhī ik jhūTī tasallī ke sivā kyā karte

dil ko vo dard milā jis kā mudāvā na ilaaj
mere monis mire ġham-ḳhvār bhalā kyā karte

hādse phail ga.e sāya-e-mizhgāñ kī tarah
ġham-e-daurāñ bhī milā hai ġham-e-jānāñ kī tarah

jo maiñ fail ho gayā to sabhī de rahe haiñ ta.ane
koī dil-navāz hotā koī ġham-gusār hotā

behis duniyā-dāroñ ko ho duniyā kī har chiiz mubārak
ġham-zādoñ kā sarmāyā haiñ aañsū aaheñ botal shaam

dil kī vīrāñ nagrī pe ab ġham ke bādal chhā.e haiñ
dukh kī kaalī raat meñ bolo kab tak saath nibhāoge