Tags-Gham

hayāt-o-marg ke kuchh raaz khul ga.e hoñge
fasāna-e-shab-e-ġham varna dosto kyā thā

mujhe dard bhī thā rāhat mujhe ġham bhī thā masarrat
jo vo mujh ko rañj de kar kabhī ġham-gusār hotā

jo bharā hai ġham se siina to sukūt hī hai behtar
ki laboñ par aah aatī to ik ishtihār hotā

abhī aur tuul dete ġham-e-ishq ko 'nazar' ham
agar apnī zindagī kā hameñ e'tibār hotā

dil-e-ġham-dīda rotā hai tirī sahrā-navardī par
magar ai qais ham lailā ko bhī mahmil samajhte haiñ

ab 'sāz' nasheboñ meñ dil ke bas kīchaḌ kaalī daldal hai
yaañ shauq ke Dhalte jharne the yaañ ġham ke ubalte sote the

ġham-gusārī kā hai aalam duur tak
ghaas par phailī hai shabnam duur tak

koī ġham agar nahīñ hai to vo kyā sabab hai jis ne
ai 'amīr' rakh diyā hai tujhe ḳhasta-hāl kar ke

shirkat-e-ġham bhī nahīñ chāhtī ġhairat merī
ġhair kī ho ke rahe yā shab-e-furqat merī

haath rakh kar ik zarā dekho tap-e-ġham kā asar
ye tumhārā hī jalāyā dil hai chiñgārī nahīñ

ik za.īfa rāste meñ so rahī hai ḳhaak par
murdanī chhā.ī huī hai chehra-e-ġhamnāk par

ibrat o dahshat kā ḳhanjar hai dil-e-ġhamnāk par
haa.e ye be-dam paḌā hai kaun ThanDī ḳhaak par

aah ai be-kas za.īfa ġham kī taḌpā.ī huī
ai zamāne kī jhinjhoḌī zar kī Thukrā.ī huī

girāñ hai dil pe ġham-e-rozgār kā mausam
hai āzmā.ish-e-husn-e-nigār kā mausam

koī sharīk-e-ġham nahīñ ab tirī yaad ke baġhair
koī anīs-e-dil nahīñ ab tire naam ke sivā

fasāna-e-ġham-e-jānāñ hai yā ġham-e-duniyā
machal rahe haiñ in āñkhoñ meñ aarzū ke sharār

laboñ ko gar milī jumbish to naġhma phuuT paḌā
kabhī nashāt kā jaadū kabhī koī ġham hai

dāġh-e-ġham-e-vatan hai nishān-e-azīz-e-ḳhalq
dil par na jis kā naqsh ho ye vo nagīñ nahīñ

masarratoñ kī sā.atoñ meñ iḳhtisār kar liyā
hayāt-e-ġham ko ham ne aur sāzgār kar liyā

nasheman hī ke luT jaane kā ġham hotā to kyā ġham thā
yahāñ to bechne vaale ne gulshan bech Daalā hai