Tags-Gham

diyā dil vasl lene ko bigāḌā ġhair ne saudā
bukā is ġham ke hāthoñ meñ ki begāne pe kyā guzrā

dard-e-mahrūmī-e-jāved bhī ik daulat hai
ahl-e-ġham bhī tire sharminda-e-ehsāñ nikle

aise pareshāñ to na the TuuTe hue sanñāhaTe
jab ishq kī tere mire ġham par basar-auqāt thī

ye haiñ na.e logoñ ke ghar sach hai ab un ko kyā ḳhabar
dil bhī kisī kā naam thā ġham bhī kisī kī zaat thī

vaqt ne aisā ġham baḳhshā hai
sahrāoñ meñ jī lagtā hai

kisī kī zaat meñ zam ho gayā huuñ
maiñ apne aap meñ ġham ho gayā huuñ

aadhī se ziyāda shab-e-ġham kaaT chukā huuñ
ab bhī agar aa jaao to ye raat baḌī hai

sunā.ūñ kyā maiñ apnī dāstān-e-ġham tujhe hamdam
vo aayā apnī mahfil meñ magar begāna-vār aayā

umīd-e-sub.h-o-shām ġham ke darmiyāñ basar jo kī
to sā.atoñ ko dard meñ shumār kar liyā gayā

garāñ zamīn-e-kisht-e-ġham-e-jigar ko naqd kī adā
masarratoñ kā vahm thā udhār kar liyā gayā

allāh re yādoñ kī ye anjuman-ārā.ī
hañste hue ġham-ḳhāne mahkī huī tanhā.ī

terī mahfil meñ jitne ai sitam-gar jaane vaale haiñ
hamīñ haiñ ek un meñ jo tirā ġham khāne vaale haiñ

tire bīmār kab khā.eñ davā parhez kyā jāneñ
ye haiñ ḳhūn-e-jigar piite ye ġham ke khāne vaale haiñ

ye ek dukh to koī mas.ala nahīñ 'kāshir'
pale baḌe haiñ isī ġham kī rel-pel meñ ham

ġham-e-barq-o-tagarg ko na ḳharīd
kisht-e-ummīd ko sarāsar kaaT

jā-e-shukr is meñ shikāyāt tirī be-dād kī thī
ġham-nasīboñ ko agar yād-e-ḳhudā bhī aa.ī

varta-e-dariyā-e-ġham ne aise ġhote de diye
Dūbnā phir Duub kar mujh ko ubharnā aa gayā

chand ḳhūñ-ālūda aañsū jazb-e-dāman ho ga.e
paikar-e-sāda meñ ġham ko rañg bharnā aa gayā

shauq se zulm-o-sitam ab roz Dhāte jā.iye
ahl-e-ġham ko ġham uThā kar ġham na karnā aa gayā

vafā.eñ kar ke jafāoñ kā ġham uThā.e jā
isī tarah se zamāne ko āzmā.e jā