Tags-Gham

ai zulf-e-ġham-e-jānāñ tū chhāñv ghanī kar de
rah rah ke jagātā hai shāyad ġham-e-hastī hai

tū hamesha māñgtā rahtā hai kyuuñ ġham se najāt
ġham nahīñ hoñge to kyā terī ḳhushī baḌh jā.egī

mujh ko daulat milī tire ġham kī
kyā haqīqat hai ab do-ālam kī

kyuuñ na vāqif hoñ rāz-e-hastī se
mujh ko hāsil hai ma.arifat ġham kī

ġham bhī sadiyoñ se haiñ aur dīda-e-tar sadiyoñ se
ḳhāna-barbādoñ ke ābād haiñ ghar sadiyoñ se

chāhte haiñ jo 'muzaffar' ġham-e-hastī se farār
baiTh jaa.eñ vo gaḌhā khod ke sādhū kī tarah

kuchh to dard diye haiñ mujh ko duniyā vāloñ ne
lekin kuchh aise ġham haiñ jo mere zaatī haiñ

har marhala-e-ġham meñ milī is se tasallī
har moḌ pe ghabrā ke tirā naam liyā hai

kis ne ġham ke jaal bikhere
sub.h añdhere shaam savere

rah-navard-e-bayābān-e-ġham sabr kar sabr kar
kārvāñ phir mileñge baham sabr kar sabr kar

lamha lamha miTe ham koī ġham nahīñ
aap ko to banāte rahe rāt-bhar

tirī zindagī bhī charāġh thī terī garm-e-ġham bhī charāġh hai
kabhī ye charāġh jalā diyā kabhī vo charāġh jalā diyā

siine me.n dabii rakhte hai.n bhuulii hu.ii ik shakl
palko.n pe uThaa rakhte hai.n baar-e-shab-e-Gam ham

kiyā kāmil hameñ ik umr meñ soz-e-mohabbat ne
hue ham ātish-e-ġham se kabāb āhista āhista

shauq-e-ruḳh yād-e-lab ġham-e-dīdār
jī meñ kyā kyā mire rahā sāhab

ye bhuul jā ki haiñ tere bhī ġham-gusār bahut
banānā kāġhzī phūloñ ke ḳhushk haar bahut

hayāt nāzish-e-kaunain ho to kyā ġham hai
vo chaar din kī sahī umr-e-musta.ār bahut

itne be-parvā irāde itne be-taufīq ġham
haath uThte haiñ magar harf-e-duā miltā nahīñ

ġham-e-dil hīta-e-tahrīr meñ aatā hī nahīñ
jo kināroñ meñ simaT jaa.e vo dariyā hī nahīñ

dil pe ik ġham kī ghaTā chhā.ī huī thī kab se
aaj un se jo mile TuuT ke barsāt huī