Tags-Gham

kitne dīvāroñ meñ kho.e dard-o-ġham ke zalzale
aahoñ se jo Dah gayā aisā makāñ koī nahīñ

hue āzim-e-mulk-e-adam jo 'havas' to ḳhushī ye huī thī ki ġham se chhuTe
par farāġh alam se na vaañ bhī milā vaañ ġham ye huā ki vo ham se chhuTe

yahī kahtī thī lailī-e-parda-nashīñ ki firāq kī ab use taab nahīñ
milūñ us se maiñ tā mirā qais-e-hazīñ ġham-e-hijr ke dard-o-alam se chhuTe

yuuñ bhī tūfān-e-ġham hazāroñ haiñ
ishq kī chashm-e-nam kī baat na kar

aaj mat chheḌ ġham ke afsāne
aaj ai dost ġham kī baat na kar

na hue ġham-zada jo ġham se mire
vo baḌe ḳhush hai ki ġham-ḳhvār hue

duniyā ne tere ġham se bhī begāna kar diyā
ab dil meñ tere vasl kī chāhat nahīñ rahī

ghaTā ġham ashk paanī aah bijlī
barastā hai ajab barsāt tum bin

kabhī to aa.egī phir vasl kī aan
kiyā ġham ne mire par ghaat tum bin

ātish-e-dozaḳh meñ ye garmī kahāñ
soz-e-ġham-hā-e-nihānī aur hai

ġham-e-āqibat hai na fikr-e-zamāna
piye jā rahe haiñ jiye jā rahe haiñ

zarā sī der ko chehre damak to jaate haiñ
ḳhushī kā rañg ho yā ho ġham-o-malāl kā rañg

ġham-zada uTh ga.e duniyā hī se ham āḳhir aah
zānū-e-ġham se va-lekin na uThā sar apnā

ġham-gusārī ke liye ab nahīñ aatā hai koī
zaḳhm bhar jaane kā imkāñ na huā thā so huā

zarā dekheñ to duniyā kaise kaise rañg bhartī hai
chalo ham apne afsāne kā ġham unvān rakhte haiñ

tab dushmanoñ ke baab meñ socheñ 'farāz' ham
fursat zarā jo paa.eñ ġham-e-dostāñ se ham

ġham ke kuchh sañg-e-garāñ jab se mire dil pe gire
ik nadī thī jo udhar phail ga.ī chehre par

is se pahle kī ham
ek ġhamnāk kahānī ke kirdār ho jaa.eñ

ahd-e-zabt-e-ġham pe qaa.im thā dam-e-ruḳhsat magar
vo sukūt-e-jāñ bhī dariyā ho gayā honā hī thā

bār-e-ḳhātir huī ye umr-e-gurezāñ jānāñ
tujh ko samjhā thā ġham-e-hijr kā darmāñ jānāñ