Tags-Gham

tū jis tarah sune ye hai terā mo.āmla
ġham amr-e-vāqi.a bhī hai aur dāstāñ bhī hai

bikhar ke rah ga.ī zarrāt-e-ġham meñ 'shā.istā'
tire qalam se na.ī shakl ik banā denā

phir mire kaan meñ gūñjī haiñ duā.eñ terī
terī āġhosh meñ ġham apne chhupāne nikle

koī din aur ġham-e-hijr meñ shādāñ ho leñ
abhī kuchh din meñ samajh jā.eñge duniyā kyā hai

kyā kahūñ kis tarah furqat meñ jiyā
ḳhūn-e-dil piitā to ġham khātā rahā

kar javānī pe rahm 'jur.at' kī
bas ġham-e-ishq is javāñ ko chhoḌ

vo zindagī ke saare ġham
tamām dukh

kuchh nahīñ duniyā badal jaane kī ġham-ḳhvānī mujhe
haañ magar ḳhud ke taġhayyur pe hai hairānī mujhe

sun liye bikhre hue ġham maiñ ne rātoñ ke tamām
haa.e ai duniyā abhī tak tū nahīñ pahchānī mujhe

dete haiñ usī ko jām-e-tarab jo jur.a-kash-e-ġham hotā hai
kab bāġh-e-jahāñ haiñ ḳhanda-e-gul be-girya-e-shabnam hotā hai

tā-chand 'suhail' afsurda-e-ġham kyā yaad nahīñ tārīḳh-e-haram
īmāñ ke jahāñ paḌte haiñ qadam paidā vahīñ zamzam hotā hai

be-mahal chheḌ pe jazbāt ubal aa.e hoñge
ġham pashemān-e-tabassum meñ Dhal aa.e hoñge

yādoñ kā shahr-e-dil meñ charāġhāñ nahīñ rahā
kyā koī ġham hī sho.ala-ba-dāmāñ nahīñ rahā

ye soch kar ki ḳhūgar-e-ġham ho na jā.ūñ maiñ
vo sargirāñ huā sitam arzāñ nahīñ rahā

shab-e-ġham mirā dil thā suulī pe lekin
tamannā sarishk-e-ravāñ tak na pahuñchī

pāband-e-ehtiyāt-e-vafā bhī na ho sake
ham qaid-e-zabt-e-ġham se rihā bhī na ho sake

vo baat chheḌ jis meñ jhalaktā ho sab kā ġham
yādeñ kisī kī tujh ko satā.eñ kisī ko kyā

maiñ ek ātish-e-ġham kī ḳhabar ke pīchhe huuñ
usī se TuuTe hue ik sharar ke pīchhe huuñ

sirf tash.hīr hai shāyad mirā afsāna-e-ġham
aaj ahbāb meñ andāz haiñ begānoñ ke

chandā jaisā ruup thā apnā phūloñ jaisī rañgat thī
tere ġham kī dhuup meñ jal kar kumlā.e murjhā.e ham