Tags-Gham

to shab-e-ġham ko na samjhā ho to maiñ samjhā duuñ
vahī maidān-e-shahādat tire parvāne kā

bazm-e-rañgīñ meñ tirī zikr-e-ġham aayā to sahī
ḳhush rahe chheḌne vaalā mire afsāne kā

parvāz kar rahī hai ḳhalāoñ meñ ruuh bhī
apne marīz-e-ġham ko shifā de ga.ī sabā

is darja mujhe khokhlā kar rakkhā thā ġham ne
lagtā thā gayā ab ke gayā ab ke gayā maiñ

hoshyār-bāsh zulmat-e-ġham-ḳhāna-e-hayāt
phir markaz-e-tajalli-e-shams-o-qamar haiñ ham

phir zindagī hai ġham kī amānat liye hue
har daulat-e-nashāt se phir bahra-var haiñ ham

lo maiñ ne dil kī us se lagā.ī to hai magar
Dar hai ye sham-e-ġham kahīñ dāman jalā na de

kahnā to hai mujhe bhī hadīs-e-ġham-e-hayāt
lab kholne kī kaash ijāzat zamāna de

maiñ āshna-e-dard-o-ġham-e-dil huuñ chāra-gar
jis se ifāqa ho mujhe aisī davā na de

tire sulūk kā ġham sub.h-o-shām kyā karte
zarā sī baat pe jiinā harām kyā karte

shukr-e-ġham hai ki dil ke maidāñ meñ
aah o naale ke haiñ nishān khaḌe

bahut masrūr haiñ vo chhīn kar dil kā sukūñ 'unvāñ'
hujūm-e-ġham meñ bhī mujh ko hañsī aa.ī to kyā hogā

saḌkoñ pe tirī phirtā thā maarā maarā
dil ġham se huā jaatā thā paarā paarā

is ġham ko iḳhtiyār nahīñ kar rahā huuñ maiñ
ye to nahīñ ki pyaar nahīñ kar rahā huuñ maiñ

tujhe maiñ chāhūñ ye merā nasīb hai lekin
agar tū mujh ko na chāhe to ġham kī baat nahīñ

ġham bahut din muft kī khātā rahā
ab use dil se nikālā chāhiye

kabhī ishq sāz-e-hayāt thā kabhī soz-e-dil ne jalā diyā
kabhī vasl meñ bhī kasak rahī kabhī dard-o-ġham ne bhī mazā diyā

na chhoḌā saath mahshar tak hamārā tū vo mūnis thā
ġham-e-marhūm tujh ko ḳhuld meñ ham yaad karte haiñ

jo rañg uḌā vo rañg āḳhir laayā
dard-o-ġham o soz-o-sāz kyā kyā paayā