Tags-Gham

sukūt-e-ġham se badan ḳhaak ho chalā thā magar
tilism-e-lams ne iksīr kar liyā hai mujhe

mujhe us sahar kī ho kyā ḳhushī jo ho zulmatoñ meñ ghirī huī
mirī shām-e-ġham ko jo luuT le mujhe us sahar kī talāsh hai

yuuñ to kahne ke liye chārāgar mujhe be-shumār mile magar
jo mizāj-e-ġham ko samajh sake usī chārāgar kī talāsh hai

kaale kos ġham-e-ulfat ke aur maiñ nān-e-shabīna-jū
kabhī chaman-zāroñ meñ uljhā aur kabhī gandum kī bū

ashk-bārī se ġham-o-dard kī khetī-bāḌī
lahlahī sī nazar aatī hai harī rahtī hai

aise ġham-e-hayāt ne bāñhoñ meñ le liyā
maiñ apnī dekh-bhāl se aage nikal ga.ī

bāda-noshī thī tere ġham kā ilaaj
gar na piite to mar ga.e hote

zarā sī ātish-e-ġham se chaTaḳh ke bujh jaatī
mirī hayāt-e-junūñ dāna-e-sipand na thī

dosh par bār-e-ġham uThā.e hue
chal rahā huuñ qadam jamā.e hue

ab kahāñ māyūsiyoñ meñ zabt kī gunjā.isheñ
vo bhī kyā din the ki terā ġham gavārā ho gayā

logoñ pe hī ham ne jaañ vaarī kī ham ne hī unhī kī ġham-ḳhvārī
hote haiñ to hoñ ye haath qalam shā.er na baneñge darbārī

ġham jab un kā diyā huā ġham hai
haif us aañkh par jo pur-nam hai

zindagī meñ sukūn ke tālib
zindagī ḳhud hī mustaqil ġham hai

chain hai tark-e-ārzū ke ba.ad
ārzūoñ kā naam hī ġham hai

sarishk-e-ġham kabhī sham-e-judā.ī ko bujhā deñge
yahī taare baneñge āftāb āhista āhista

tabassum meñ na Dhal jaatā gudāz ġham to kyā karte
ki ye sho.ala na ban jaatā agar shabnam to kyā karte

rahīn-e-aish-o-tarab haiñ jo roz o shab un ko
pasand kaise mire ġham kā mājrā aa.e

ghar kī is baar mukammal maiñ talāshī lūñgā
ġham chhupā kar mire maañ baap kahāñ rakhte the

tū ne ġham ḳhvāh-maḳhvāh us kā uThāyā huā hai
dil ye nādāñ to kisī aur pe aayā huā hai

tirā ġham sahne vaale par zamāna muskurātā hai
magar har shaḳhs kī qismat meñ terā ġham nahīñ hotā