Tags-Gham

miTe afkār-e-gonā-goñ ke jhagḌe
tire ġham ko na de kyūñkar duā dil

dayār-e-ḳhvāb meñ Thahre hisār-e-gul meñ rahe
magar ye ġham hī rahā ḳhud ko shādmāñ karte

dardmandān-e-azal rakhte nahīñ darmāñ kā ġham
sīna-e-sad-chāk gul minnat-kash-e-marham nahīñ

jaltā hai jigar to chashm nam hai
kyā jaane ye kis kā mujh ko ġham hai

na chhoḌā zabt ne dāman nahīñ to tere saudā.ī
hujūm-e-ġham se ghabrā kar ḳhudā jaane kahāñ jaate

Tāpoñ kī sadā sī us ke ġham kī
be-teġh sipāh thī hamārī

phir vahī yād-e-guzishta vahī uljhan vahī ġham
dil ko un bāda-o-sāġhar se bhī bahlā dekhā

chāra-sāzī to kar rahe haiñ ġham
tū mire āñsuoñ kā saudā kar

mire ġham-ḳhvār mire dost tumheñ kyā ma.alūm
zindagī maut ke mānind guzārī maiñ ne

mire ġham-ḳhvār mire dost tumheñ kyā ma.alūm!

ġham na do itnā ki merī jaañ nikal jaa.e kahīñ
āñsuoñ se jism kī miTTī na gal jaa.e kahīñ

apne marne kā nahīñ ġham ye malāl aatā hai
kyuuñ zamāne ne tumheñ bāl-e-pareshāñ dekhā

ḳhushiyāñ hī nahīñ thiiñ saath mere
ġham bhī mere ham-safar rahe haiñ

ġham aañsū tanhā.ī shikve bechainī
is duniyā meñ sab kī ek kahānī hai

āñsuoñ ke bahne kā ye asar to hotā hai
ġham zarā sā Dhal jaa.e dil bhī kuchh sambhal jaa.e

'azīz' aaj ġham-e-dil kī dāstāñ kah kar
vo chāhte haiñ zamāne ko sogvār kareñ

madad kar ishq-e-sādiq jazb-e-kāmil mujh se mahzūñ kī
shab-e-ġham naala karnā hai aur is jī se guzarnā hai

ġham nasīboñ meñ hai 'fānī' ġham-e-duniyā ho ki ishq
dil kī taqdīr se tadbīr badal jaatī hai

julūs-e-ġham hai janāza ba-dosh chaltā hai
magar janāza kidhar hai nazar nahīñ aatā

mire ġham haiñ kitne ajiib se vo milā kahāñ hai nasīb se
yahāñ qurb kī mujhe aarzū vahāñ duur hī se salām hai