Tags-Gham

maiñ vo ġham-dost huuñ jab koī taaza ġham huā paidā
na niklā ek bhī mere sivā ummīd-vāroñ meñ

tirā ġham mujh ko raas aane lagā hai
bikhar kar phir ikaTThī ho ga.ī huuñ

mahrūm huuñ majbūr huuñ be-tāb-o-tavāñ huuñ
maḳhsūs tire ġham kā mazā mere liye hai

ham itne pareshāñ the ki hāl-e-dil-e-sozāñ
un ko bhī sunāyā ki jo ġham-ḳhvār nahīñ the

bul-havas band-e-uqda-e-ġham hai
zulf-e-mushkīñ siiñ pech-o-tāb nikāl

tirī ulfat terā ġham terā ḳhayāl
kuchh yahī hai kārobār-e-zindagī

na chheḌo aaj dard-o-ġham ke qisse
maiñ khul kar muskurānā chāhtā huuñ

yuuñ dil ko kiyā sho.ala-e-ġham tere havāle
is ghar meñ koī chiiz bachāne kī nahīñ thī

sadā-e-āh hai mizrāb-e-ġham kī chheḌ se paidā
dil-e-nālāñ nayā parda hai qānūn-e-mohabbat kā

jo us ne kiyā achchhā hī kiyā jo ham pe huā achchhā hī huā
ab girya-o-ġham kuchh chiiz nahīñ ab nāla-e-ġham kuchh baat nahīñ

ġham kī dhuup meñ jal kar rah ga.ī har ik chhāñv
ham ko apnī chāhat ke saa.e saa.e chalne do

kar jald hameñ ḳhatm kahīñ ai ġham-e-jānāñ
kaam aa.egī kis roz tirī sīna-gudāzī

na sog meñ huuñ ki us ko oḌhūñ
ġham-o-alam ḳhalq ko dikhā.ūñ

jaan kā rog hai ye girya-e-ġham
umr bhar ye ghaTā barastī hai

varta-e-dariyā kā ġham jaatā rahā
ġhota khāte the kināre ho chuke

alfāz kī ā.ankhoñ se barsāt hai ashkoñ kī
lahja ġham-e-jānāñ se bharrāyā huā sā hai

yahī rabt-o-zabt-e-ġham-o-alam tirī raa.e meñ kabhī ḳhuub the
vo yahī to mere uyuub the jinheñ dī ga.ī thiiñ ri.āyateñ

phuul se zaḳhmoñ kā ambār sambhāle hue haiñ
ġham kī pūñjī mire ash.ār sambhāle hue haiñ

maiñ vo musāfir-e-dasht-e-ġham-e-mohabbat huuñ
jo ghar pahuñch ke bhī soche ki ghar nahīñ aayā

vaa.e nādānī-e-dil is ne mohabbat kar ke
ranj-o-ġham mol liye baiThe-biThā.e kyā kyā