Tags-Gham

ashk-e-ġham shorish-e-pinhāñ kī ḳhabar dete haiñ
ye vo qatre haiñ jo tūfāñ kī ḳhabar dete haiñ

ġham-e-judā.ī meñ aisī kahāñ thī lazzat-e-dard
unheñ bhī mujh se bichhaḌne kā dukh huā hogā

dil ne kuchh zor dikhāyā to ye sunñā ik din
ham bhī alvand-e-ġham-e-yār ko sar karte haiñ

ranj-o-ġham se irtibāt-e-jism-o-jāñ samjhā thā maiñ
hasti-e-nākām ko ḳhvāb-e-girāñ samajhtā thā maiñ

us meñ bhī kuchh raaz hai varna dayār-e-husn meñ
dard-mandoñ kā koī ġham-ḳhvār pahle to na thā

sitam to ye hai ki vo bhī na ban sakā apnā
qubūl ham ne kiye jis ke ġham ḳhushī kī tarah

ġham gale paḌ gayā zindagī bujh ga.ī aql jaatī rahī
ishq ke khel meñ kyā tumhārā gayā maiñ to maarā gayā

falak pe barq sī lahrā rahī hai
ġham-e-hastī kā bādal chhā gayā hai

mujhe khānā thā uf 'ḳhurshīd' ġham ko
magar mujh ko yahī ḳhud khā gayā hai

shāḳh se kaTne kā ġham un ko bahut thā lekin
phuul majbūr the hañste rahe gul-dānoñ meñ

kyuuñ be-rañg kiyā hai merī oḌhnī ko
tere ġham kī dhuup ne bharī javānī meñ

kyā zamāne meñ diyā tū ne aqīdat kā ma.aal
ham ko ranj-o-ġham-o-andoh-o-musībat ke sivā

umr bhar zehn meñ chubhtā rahā ik nashtar-e-ġham
jitne ehsās the sab merā muqaddar nikle

mile sard-āhoñ meñ ashk-e-ġham to sharār-o-barq meñ Dhal ga.e
ye na jaane kaise charāġh the ki havā ke ruḳh pe bhī jal ga.e

kab talak be-dīd se yā rab rakheñ chashm-e-vafā
lag rahe haiñ aaj kal to dil kī ġham-ḳhvārī meñ ham

ġham se kahāñ ai ishq mafar hai
raat kaTī to sub.h kā Dar hai

ġham ko ḳhushī kī sūrat baḳhshī
is kā bhī sehrā aap ke sar hai

guzar rahī hai jo dil par vahī haqīqat hai
ġham-e-jahāñ kā fasāna ġham-e-hayāt se pūchh

kyuuñ aaj dil ke haram meñ namāz-e-ġham na huī
kyuuñ ek chup sī sadā-e-azāñ meñ baiTh ga.ī

jise paalā thā ik muddat tak āġhosh-e-tamannā meñ
vahī baanī huā mere ġham o dard o aziyyat kā