Tags-Gham

andoh-e-besh-o-kam na ġham-e-ḳhair-o-shar meñ hai
rāz-e-hayāt vus.at-e-fikr-o-nazar meñ hai

kyā shai atā-e-ġham kī hai kaifiyyat ai 'sahāb'
ḳhalvat harīm-e-dil meñ hai mahfil nazar meñ hai

der se ro nahīñ sakā duur huuñ so nahīñ sakā
ġham jo rulā sake mujhe sam jo sulā sake mujhe

hayāt dard kī tuġhyāniyoñ meñ Duubī hai
ġham-e-habīb bhī hai ziist ke azaab bhī saath

dil o dimāġh meñ ehsās-e-ġham ubhār diyā
ye kis ne aaj mujhe muzhda-e-bahār diyā

hameñ vo sāhib-e-ālām dahr meñ 'shahzād'
zarā hañse to zamāne kā ġham nikhār diyā

fareb khānā na ġham uThānā na un ke saa.e meñ muñh chhupānā
hazār kāñTe chhupā.e baiThe haiñ shoḳh rañgīñ gulāb chehre

nasīb aaj haiñ kāñTe agar to kyā ġham hai
na.ī rutoñ ke shagufta-gulāb mere haiñ

lamha lamha umr ḳhushī kī
sadiyāñ sadiyāñ ġham hote haiñ

dil pe gar choT na lagtī to na ishrat thī na ġham
saaz ke parde se bāhar na nikaltā sargam

kyoñ mire dil meñ rakh nahīñ dete
kis liye ġham uThāyā karte the

mirī zindagī pe na muskurā mujhe zindagī kā alam nahīñ
jise tere ġham se ho vāsta vo ḳhizāñ bahār se kam nahīñ

aaTh pahar hai ye hī ġham
kaam bahut hai vaqt hai kam

be-ġhamī tark-e-alā.iq hai sadā 'azfariyā'
jis ko duniyā se ilāqa nahīñ ġhamnāk nahīñ

kyā jaane ġham kī aañch kā partav kahāñ paḌe
añgḌā.ī le rahe haiñ hayūle sharar ke dekh

terī taqdīr hai ā.īna-e-taqdīr jahāñ
ḳhuub ma.alūm hai terā ġham-e-tanhā mujh ko

ġham ko siine meñ dabā rakkhā hai tū ne lekin
ġham baḌī chiiz hai to us se koī kaam to le

'hashamī' ġham ne phir añgḌā.ī lī
'hashamī' phir ġhazal inshā kiije

khañDar samajh ke mirī sair karne aayā thā
gayā to mausam-e-ġham phuul dhar gayā mujh meñ

ragoñ meñ soz-e-ġham-e-ishq se lahū hai ravāñ
so vahshī aage nikal kar hiran se jaatā hai