Tags-Gham

sāhib-e-dil hai vahī murshid-e-kāmil hai vahī
mere chehre se jo merā ġham-e-pinhāñ samjhā

ġham meñ bhī rahtā huuñ maiñ ḳhush 'sāhil'
har-nafas aise jiyā kartā huuñ

junūñ meñ ab ke mujhe apne dil kā ġham hai pe haif
ḳhabar lī jab ki na jaame meñ ek taar rahā

sitam meñ ġham meñ sar-anjām us kā kyā kahiye
hazāroñ hasrateñ thiiñ tis pe jī ko maar rahā

tirā kis se vāsta hai tujhe kis kī hai tamannā
jo halāk-e-jalva-e-ġham dil-e-be-qarār tū hai

mirī mushkiloñ meñ aksar mire kaam aane vaale
mirā mūnis-o-nigahbāñ mirā ġham-gusār tū hai

na phuul bāloñ meñ gūñdhe na ghar meñ diip jalāyā
sharīk-e-ġham ne manāyā magar na un se manī vo

merī manzil kahāñ hai kyā ma.alūm
intihā ġham hai ibtidā ma.alūm

dard kī raat hai koī dam kī
TuuT jā.egī zanjīr ġham kī

sham.a kī tarah shab-e-ġham meñ pighalte rahiye
sub.h ho jā.egī julte haiñ to jalte rahiye

tū ne kyā dil kī jagah rakkhā hai patthar mujh meñ
ġham se bhar jā.ūñ bhī to ronā nahīñ aatā hai

mar chuk kahīñ ki tū ġham-e-hijrāñ se chhūT jaa.e
kahte to haiñ bhale kī va-lekin burī tarah

jab se huī hai aañkh shab-e-ġham se āshnā
nā-āshnā haiñ lazzat-e-ḳhvāb-e-sahar se ham

har taaza ġham ke vāste jā-e-qayām hai
tañg aa ga.e haiñ vus.at-e-qalb-o-jigar se ham

rūdād-e-ġham-e-ulfat un se ham kyā kahte kyūñkar kahte
ik harf na niklā hoñToñ se aur aañkh meñ aañsū aa bhī ga.e

dil hai jamāl-e-yār kī lazzat se faizyāb
is aa.ine meñ koī bhī tasvīr-e-ġham nahīñ

roz o shab is soch meñ Duubā rahtā huuñ
ġham ko pā kar bhī maiñ kitnā tanhā huuñ

ġham-ḳhvār ho kaun ab hamārā
jab tū hī na ġham-gusār niklā

tār-e-nazar bhī ġham kī tamāzat se ḳhushk hai
vo pyaas hai mile to samundar sameT luuñ

shab-e-ġham meñ balā se shaġhl to hai
nāla-e-dil mirā rasā na sahī