Tags-Gham

ġham-fursati-e-ḳhvāb-e-tarab yaad rahegī
guzrī jo tire saath shab yaad rahegī

ḳhaar ḳhār-e-ġham-e-dil-e-pur-dard
chīḳh kar ai hazār kyā kahnā

ġham kamā.ī se chal rahā hai dil
kis DhiTā.ī se chal rahā hai dil

ġham ne khole qafas ki dar mujh pe
is rihā.ī se chal rahā hai dil

ġham-e-duniyā ġham-e-hastī ġham-e-ulfat ġham-e-dil
kitne unvān mile haiñ mire afsāne ko

tujh se bas itnī talab hai tire dīvāne kī
apne jalvoñ se sajā de mire ġham-ḳhāne ko

ḳhushī yaad aa.ī ki ġham yaad aa.e
magar tum hameñ dam-ba-dam yaad aa.e

jo tum yaad aa.e to ġham yaad aa.e
jo ġham yaad aa.e to ham yaad aa.e

rā.egāñ haiñ kal kī ḳhushiyāñ kal ke ġham bhī be-asar
ab bhalā rakkhā hī kyā maazī kī tasvīroñ meñ hai

ye ho rahā hai tamāsha kaisā idhar to ġham hai udhar hai shādī
kabhī uThegā janāza merā kabhī sajī thī barāt merī

maqsad-e-zīst ġham-e-ishq hai sahrā ho ki shahr
baiTh jā.eñge jahāñ chāho biThā do ham ko

TuuT gayā phir ġham kā nasha bhī
dukh kitnā sukh de saktā thā

kar le ai dil jaan ko bhī ranj-o-ġham meñ tū sharīk
ye jo mehnat tujh pe hai kuchh kuchh magar baT jā.egī

dāstān-e-ġham se lākhoñ dāstāneñ ban ga.ī
phir bhī vo ik rāz-e-sar-basta rahā jo dil meñ thā

mai-kash-e-ġham kuuñ shab-e-mahtāb hai mū-e-safed
mausam-e-pīrī meñ sāmān-e-javānī kījiye

phailtā jaatā hai ḳhud-rav sabza-e-ġham chār-sū
khet vo kāTūñgā jo maiñ ne kabhī boyā nahīñ

ise kahne ke liye lafz kahāñ se aa.e
dāstān-e-shab-e-ġham kaise sunā dī tū ne

yaas ummīd ġham ḳhushī ḳhvāhish
ghar meñ har chiiz hai zarūrat kī

ham ahl-e-ġham bhī rakhte haiñ jādū-bayāniyāñ
ye aur baat hai ki sunīñ lan-tarāniyāñ