Tags-Gham

ġhubār-e-dard se saarā badan aTā niklā
jise bhī ḳhanda-ba-lab dekhā ġham-zadā niklā

zarā sī baat pe ik ġham-gusār ke aage
maiñ apne aape se bāhar huā to kaise huā

marhala tai koī be-minnat-e-jāda bhī to ho
ġham baḌhe bhī to sahī dard ziyāda bhī to ho

zarf-e-īzā-talabī ġham bhī parakh leñ 'gauhar'
us se ik roz na milne kā irāda bhī to ho

dukh bhī chehre pe oḌh kar rakkhā
tere ġham ko bhī aise aam kiyā

tujh se mil kar bhī ġham-e-hijr kī talḳhī na miTī
ek hasrat sī ye andāz-e-digar hai ki jo thī

mahfil-e-ġham meñ ziyā to hogī
dil jaleñge to jilā to hogī

ġham kā sahrā na milā dard kā dariyā na milā
ham ne marnā bhī jo chāhā to vasīla na milā

maiñ ne chāhā thā ki bilkul hī akelā ho jā.ūñ
so gayā ġham ga.ī ishrat ga.ī tanhā.ī bhī

ġham-e-vafā kahne sunñe vaale kahāñ ga.e ahl-e-dil na jaane
tumhārī ulfat ke rāz-dāroñ kī yaad sī rah ga.ī hai baaqī

gilā nahīñ 'saif' be-kasī kā kisī kā ġham kaun pūchhtā hai
yahī bahut hai ki ġham-gusāroñ kī yaad sī rah ga.ī hai baaqī

dard ko ham zindagī kā kaif-o-kam kahte rahe
ḳhāmushī ke saaz par rūdād-e-ġham kahte rahe

apne ḳhuuñ se dāstān-e-ġham raqam karte rahe
lauh-e-dil ko nok-e-ḳhanjar ko qalam kahte rahe

chāhat ko zindagī kī zarūrat samajh liyā
ab ġham ko ham ne terī ināyat samajh liyā

thā bahut mumkin ki bach jaatī ġham-e-duniyā se jaan
sach to ye hai ham ne koshish bhī na kī tere baġhair

kyuuñ jaan na duuñ ġham meñ tire jab ki abhī se
mātam ye zamāne meñ bapā mere liye hai

na dikhāte mujhe jalva magar itnā karte
aap kā ġham mirī taskīn kā sāmāñ hotā

kaif-e-ḳhudī ne mauj ko kashtī banā diyā
hosh-e-ḳhudā hai ab na ġham-e-nāḳhudā mujhe

qissa-e-majnūñ pasand-e-ḳhātir jānāna hai
varna ḳhvāb-āvar to apne ġham kā bhī afsāna hai

vo taġhāful ko ilāj-e-ġham-e-pinhāñ samjhā
chāra-gar bhī na mire dard kā darmāñ samjhā