Tags-Gham

ḳhirad DhūñDhtī rah ga.ī vajah-e-ġham
mazā ġham kā dard āshnā le gayā

dil nā-umīd to nahīñ nākām hī to hai
lambī hai ġham kī shaam magar shaam hī to hai

aan kar ġham-kada-e-dahr meñ jo baiThe ham
sham.a saañ apne ta.iiñ aap hī ro baiThe ham

mujhe fursat nahīñ hai fart-e-ġham se sar uThāne kī
garāñ hai mere dil par shorish-o-kāvish zamāne kī

jo maiñ bolā to sab ko apne ashkoñ meñ bhigo dūñgā
dil-e-insāñ meñ ġham ke saiñkaḌoñ kāñTe chubho dūñgā

kyā ġham hai agar shikva-e-ġham aam hai pyāre
tū dil ko dukhā terā yahī kaam hai pyāre

ġham nahīñ sab pe agar chashm-e-karam hai terī
ġham to ye hai ki sitam bhī hai tirā aam abhī

ai subuk-sair-e-nazar ek payām-e-rañgīñ
hai harīf-e-ġham-e-dil gardish-e-ayyām abhī

jab ġham huā chaḌhā liiñ do botaleñ ikaTThī
mullā kī dauḌ masjid 'akbar' kī dauḌ bhaTTī

khanaktī nuqra.ī dilkash hañsī meñ
ham apnā ġham chhupānā jānte haiñ

bulānā hī nahīñ paḌtā hai 'amabar'
ye ġham apnā Thikāna jānte haiñ

maiñ hañstī thī ki ranj-o-ġham mirā zāhir na ho us par
muqaddar meñ jo zulmat thī magar vo aur kuchh samjhā

siyāh-rāt pashemāñ hai ham-rakābī se
vo raushnī hai tire ġham kī māhtābī se

āgahī sar-chashma-e-ranj-o-alam 'tāsīr' hai
ham ḳhushī se hī nahīñ vāqif to phir kyā ġham kareñ

bhaa.ī chāre kī fazā qaa.em kareñ
aap kā 'barqī' yahī ġham-ḳhvār hai

har saañs hai ik talvār banī har nafs hai ġham kā paimāna
karte haiñ mohabbat jo un ko kāñToñ pe bhī sonā aatā hai

baḳhshe haiñ tū ne laakh sitam ġham mujh ko diye haiñ terā karam
ham ko bhī ġhamoñ ke tīroñ ko siine meñ chubhonā aatā hai

kaisī narmī kaisī saḳhtī lahje kī kyā baat kareñ
fikr hī ab ġham-karda sadā hai tum bhī chup ho ham bhī chup

dāstān-e-ġham mirī sunñe ko ik sāme.a milā jab
qahqahe pahle lagā.e aur phir chup ho gayā maiñ