Tags-Gham

ḳhushī bhī kis ne kahā vaj.h-e-ġham nahīñ hotī
batā vo shaam jo shām-e-alam nahīñ hotī

kaash mil jaa.e ham-mizāj koī
mere ġham kā bhī ho ilaaj koī

duniyā se jaane vāloñ ko raste meñ ġham nahīñ
sīdhī saḌak hai pher kī rāh-e-adam nahīñ

na koī yaar hai na hai ġham-ḳhvār
kis se ab dil kā mājrā kahiye

shām-e-tarab ke lamho is ko mat āvāzeñ diyā karo
raat ne apne sar par ġham kā bojh uThāyā hotā hai

maiñ hikāyat-e-dil-e-be-navā meñ ishārat-e-ġham-e-jāvidāñ
maiñ vo harf-e-āḳhir-e-motabar jo likhā gayā na paḌhā gayā

us ko ab ham zulm samjheñ yā ki ġham-ḳhvārī tirī
ḳhud rulānā aur phir hamdard ban kar dekhnā

bārish-e-ġham meñ hañsī bhīgī huī hai merī
shak agar ho to use haath lagā kar dekheñ

jabr-e-hālāt kaho ġham kī mukāfāt kaho
TuuT bhī jaatā hai hoñToñ se navā kā rishta

talḳhāba-e-ġham ḳhanda-jabīñ ho ke piye jā
mauhūm umīdoñ ke sahāroñ pe jiye jā

kis kis andāz se tahrīr kiyā hāl-e-sitam
ġham kiyā aap ne shāh-e-shohdā kā kyā kyā

kahe hai yuuñ dil-e-muztar se us bin jān-e-ġham-dīda
chalo tum rafta rafta aate haiñ pīchhe tumhāre ham

kisī mahvash ke ġham ne kar diyā nā-tāqat aisā hī
ki chhuTte dekhte haiñ akasr āñkhoñ aage taare ham

baat jab hai ġham ke māroñ ko jilā de ai 'shakīl'
tū ye zinda mayyateñ miTTī meñ daab aayā to kyā

zarā sā saath do ġham ke safar meñ
zarā sā muskurā do thak gayā huuñ

dil-e-nā-tavāñ ko takān ho mujhe us kī taab na thī zarā
ġham-e-intizār se bach gayā thā naved-e-vasl se mar gayā

mujhe bahr-e-ġham se ubuur kī nahīñ fikr ai mire chāra-gar
nahīñ koī chāra-kār ab mire sar se aab guzar gayā

zindagī meñ kise milā hai sukūñ
ġham se Dar kar na etakāf karo

soz-e-ġham kā vaqār hai tum se
āñsuoñ se na tar ġhilāf karo

sach to ye hai ki ranj-o-ġham se najāt
bāda-e-jāñ-fazā se hotī hai