Tags-Gham

jis ghaḌī ho bashar ko ġham se najāt
vo ghaḌī umr bhar nahīñ aatī

shorish se chashm-e-tar kī zi-bas ġharq-e-āb huuñ
din raat bahr-e-ġham meñ ba-rañg-e-hubāb huuñ

bhiiḌ hai bar-sar-e-bāzār kahīñ aur chaleñ
aa mire dil mire ġham-ḳhvār kahīñ aur chaleñ

is qadar ġham bhī na de kuchh na rahe paas mire
aisā lagtā hai ki bah jā.eñge saare aañsū

mere hoñToñ ko to jumbish bhī na hogī lekin
shiddat-e-ġham se jo ghabrā ke pukāre aañsū

tujh ko jaanā hai to jā puurī ijāzat hai tujhe
ham tire baad tirā ġham nahīñ karne vaale

har ek lamha tabī.at pe baar hai, kyā hai
tumhārā ġham ki ġham-e-rozgār hai, kyā hai

bhiiḌ hai bar-sar-e-bāzār kahīñ aur chaleñ
aa mire dil mire ġham-ḳhvār kahīñ aur chaleñ

sau baar basā.ī hai shab-e-vasl kī jannat
sau baar ġham-e-hijr ke sho.aloñ meñ jale haiñ

kyā koī biit chuke ġham ke badalte mausam
sānehe jo na hue vo bhī huā chāhte haiñ

shikva nahīñ hai arz hai mumkin agar ho aap se
diije mujh ko ġham zarūr dil jo mirā uThā sake

mere dil meñ haiñ ġham zamāne ke
saarī duniyā kā mājrā huuñ maiñ

misl-e-sipand dil hai betāb soz-e-ġham meñ
rah jā.egā taḌap kar fariyād kyā karegā

atā-e-ġham pe bhī ḳhush huuñ mirī ḳhushī kyā hai
razā talab jo nahīñ hai vo bandagī kyā hai

masarrat meñ dil-e-hirmāñ-zada ko ḳhauf hai ġham kā
nahīñ mumkin mafar ġham se ki ġham yuuñ bhī hai aur yuuñ bhī

hameñ ye fikr un kī anjuman kis haal meñ hogī
unheñ ye ġham ki un se chhuT ke dīvānoñ pe kyā guzrī

ġham jahāñ meñ vo rafīq-e-abadī hai apnā
jis ne har haal meñ dil shaad kiyā hai barsoñ

jo ho na 'jamīl' apnā auroñ kā vo kyā hogā
kyā khāoge ġham merā tum apnā hī ġham khāte

phuul se merī yahī ġham-ḳhvāriyāñ
ik gulistāñ meñ hazāroñ kyāriyāñ

rāz-e-ġham se hameñ āgāh kiyā ḳhuub kiyā
kuchh nihāyat hī nahīñ aap ke ehsānoñ kī