Tags-Ghamand

ġhurūr añdhere kā toḌā usī se haar gayā
numūd ek sharar kī thī yā bashar kyā thā

ġhurūr kar ke nigāhoñ se gir ga.e maġhrūr
buland jitne hue utne aur past hue

jinheñ ġhurūr bahut thā namāz roze par
ga.e jo qabr meñ saare vuzū shikast hue

vo zamīñ par qadam nahīñ rakhte
husn kā kyā ġhurūr hotā hai

suroñ meñ kibr-o-ġhurūr kyuuñ hai diloñ ke shīshe ye rañg kyuuñ hai
ḳhudā-e-bartar tirī zamīñ par zamīñ kī ḳhātir ye jañg kyuuñ hai

jāntā kis tarah ki kyā hai ġhurūr
vo jo uThkar girā nahīñ hotā

ġhurūr-e-aql meñ īmān bhī gañvā baiThe
ye ik jazīra to sab ke liye kinārā thā

sar ko na pheñk apne falak par ġhurūr se
tū ḳhaak se banā hai tirā ghar zamīn hai

mirī ġhurbat-e-sahar kā na thakā ġhurūr varna
maiñ chaman se maañg letā koī shām-e-be-hayā.ī

vo bolar ek mah-vashoñ ke jamghaToñ meñ ghir gayā
vo safha-e-bayāz par ba-sad-ġhurūr kilk-e-gauharīñ phirī

karo kaj jabīñ pe sar-e-kafan mire qātiloñ ko gumāñ na ho
ki ġhurūr-e-ishq kā bāñkpan pas-e-marg ham ne bhulā diyā

qafas meñ ham ne hazāroñ asiir dekhe haiñ
rahā hai kis kā salāmat ġhurūr-e-bāl-o-parī

ġhurūr-e-zabt se pahlū bachā kar
tumhīñ ko dosto ham āzmāte

ye merā ḳhaak meñ milnā basā ġhanīmat hai
ki maiñ ne ijz kī ḳhātir bahut ġhurūr kiyā

aaj vafā kā vāsta detā hai vo sitam-zarīf
jis ne ġhurūr-e-husn meñ ḳhauf-e-ḳhudā nahīñ kiyā

le ga.e log jabīnoñ meñ ibādat kā ġhurūr
kitne sajdoñ ko magar ḳhāk-basar chhoḌ ga.e

zabāñ laboñ kā salīqa diloñ kā nuur bhī hai
zabān qaum kī izzat bhī hai ġhurūr bhī hai

jhukā.e hai sar-e-taslīm māh-e-nau par vo
ġhurūr-e-husn se kis kā salām lete haiñ

ġhurūr-e-ishq meñ ik inkisār-e-faqr bhī hai
ḳhamīda-sar haiñ vafā ko alam banāte hue

huā huuñ aah maiñ jis pur-ġhurūr par āshiq
kanīz us kī kabhī mere ghar nahīñ aatī