Tags-Ghar

mire vajūd ke andar utar ga.ī shāyad
azal se phailī huī thī jo ghar meñ tanhā.ī

jaane vo aaj kaun se raste se aa.e ghar
har moḌ har galī meñ bichhānī mohabbateñ

ghar hai mausam se bachānā mushkil
jānib-e-abr-o-havā kyā dekheñ

maiñ lāla-e-sar-e-sahrā makāñ nahīñ rakhtā
ki dasht hai mire ghar jā.egā kabhī na kabhī

khulnā thā faqat ek darīcha mire ghar kā
phir raushnī bhī aa.ii, huī duur ghuTan bhī

raste ke takalluf se chalo baat kareñ kuchh
mumkin nahīñ har moḌ pe ghar-bār kā honā

kis kī talāsh hai hameñ kis ke asar meñ haiñ
jab se chale haiñ ghar se musalsal safar meñ haiñ

ghar nahīñ bastī nahīñ shor-e-fuġhāñ chāroñ taraf hai
ek chauthā.ī zamīñ par āsmāñ chāroñ taraf hai

apnā makān bhī thā usī moḌ par magar
jaane maiñ kis ḳhayāl meñ auroñ ke ghar gayā

daftar meñ zehn ghar nigah rāste meñ paañv
jiine kī kāvishoñ meñ badan haath se gayā

surḳhiyāñ paḌh ke in aḳhbāroñ kī Dar lagtā hai
saarā aalam kisī bārūd kā ghar lagtā hai

baiTh jā.eñgī ye dīvāreñ kisī bhī lamha
apne ghar meñ bhī to rahte hue Dar lagtā hai

apne hamsā.e ke hālāt haiñ apne jaise
apne hī ghar kī tarah un kā bhī ghar lagtā hai

dekhnā hai to mujhe dekh ki maiñ kaisā huuñ
mere ujḌe hue ghar-bār kī jānib mat dekh

'habīb' is ghar ko ġhair aa.e jalāne ko to kyā ġham hai
sulagtī aag yāroñ ne jo bhaḌkā.ī to kyā hogā

koī ajab sā pahlū hai jo dil meñ ghar kar jaatā hai
koī alag sī baat hai jo us kī har baat meñ hotī hai

ghar kā sannāTā to 'humairā' hañgāmoñ kī nazr huā
dil kī vīrānī vaisī kī vaisī ek zamāne se

mere ghar ke āñgan meñ
koī shaam suhānī rakh

sāmne aa kar vo kyā rahne lagā
ghar kā darvāza khulā rahne lagā

ik shaḳhs jazīra rāzoñ kā aur ham sab is meñ rahte haiñ
ik ghar hai tanhā yādoñ kā aur ham sab is meñ rahte haiñ