Tags-Ghar

jamāl-e-qudrat mujhī ko de de ki maiñ kaleje kī choT sekūñ
kalīm ke ghar meñ rakkhe rakkhe vo aag ab kyā banā rahī hai

ham ghar hī meñ rahte to tamāshā to na hote
yuuñ kushta-e-be-dād-e-zamāna to na hote

ghar hai tirā tū shauq se aane ke liye aa
lekin maiñ ye chāhūñgā na jaane ke liye aa

dar aa.e darāḌoñ kabhī dīvāroñ se paalā
barsāt meñ Tapke hai mirā ghar mirī kholī

is masāfat kā koī ant nahīñ hai lekin
din nikalte hī maiñ chal paḌtā huuñ ghar kī jānib

jo pīchhe chhoḌ aa.e haiñ usī pe lauT jā.eñge
khulegā jab ki in rastoñ pe ghar koī nahīñ aatā

bigḌe hue raqīb se vo aa.e mere ghar
is husn-e-ittifāq kā koī gumāñ na thā

mujhe bhī lamha-e-hijrat ne kar diyā taqsīm
nigāh ghar kī taraf hai qadam safar kī taraf

muddatoñ meñ ghar hamāre aaj yaar aa hī gayā
zulm kartā thā magar zālim ko pyaar aa hī gayā

sayyād ne luuTā thā anādil kā nasheman
sayyād kā jalte hue ghar dekh rahā huuñ

ghar meñ ik tasvīr jañgal kī bhī hai
rābta rahtā hai vīrānī ke saath

tere aane kī jab ḳhabar mahke
terī ḳhushbū se saarā ghar mahke

dil siyah hai baal haiñ sab apne piirī meñ safed
ghar ke andar hai añdherā aur bāhar chāñdnī

ghar meñ hai āb-e-ravāñ to barf hai mañjdhār meñ
kuchh na pūchho dahr meñ ab kyā kahāñ hone ko hai

mirī aadat mujhe pāgal nahīñ hone detī
log to ab bhī samajhte haiñ ki ghar jaatā huuñ

patā ab tak nahīñ badlā hamārā
vahī ghar hai vahī qissa hamārā

raah meñ phuul khileñge to chubhan bhī hogī
ghar meñ baiThūñ to mirī aañkh kā kāñTā nikle

vo masjid ghar na ban jaa.e kisī kā
namāzeñ band haiñ ḳhālī paḌī hai

ham ne ghar kī salāmtī ke liye
ḳhud ko ghar se nikāl rakkhā hai

ghar ġhair ke jo yaar mirā raat se gayā
jī siine se nikal gayā dil haat se gayā