Tags-Ghar

'ishratī' ghar kī mohabbat kā mazā bhuul ga.e
khā ke london kī havā ahd-e-vafā bhuul ga.e

nazar kī had tak muhīt thā silsila mahakte hue guloñ kā
guloñ meñ pariyoñ ke ghar nihāñ the huzūr ko kuchh to yaad hogā

kareñge shikva-e-jaur-o-jafā dil khol kar apnā
ki ye maidān-e-mahshar hai na ghar un kā na ghar apnā

makāñ dekhā kiye muḌ muḌ ke tā-hadd-e-nazar apnā
jo bas chaltā to le aate qafas meñ ghar kā ghar apnā

bahe jab aañkh se aañsū baḌhā soz-e-jigar apnā
hamesha meñh baraste meñ jalā kartā hai ghar apnā

ye shab kā ḳhvāb yā-rab fasl-e-gul meñ sach na ho jaa.e
qafas ke sāmne jalte hue dekhā hai ghar apnā

mujhe ai qabr duniyā chain se rahne nahīñ detī
chalā aayā huuñ itnī baat par ghar chhoḌ kar apnā

'qamar' un ko na aanā thā na aa.e sub.h hone tak
shab-e-va.ada sajāte hī rahe ghar raat bhar apnā

ye ghar jal kar giregā
tum ne lau dhīmī nahīñ kī

ye ghar jal kar giregā
in parindoñ se kaho dahlīz se aage nikal jaa.eñ

log muddat meñ banā paate haiñ ghar
zalzale aate haiñ gir jaate haiñ ghar

vo makānoñ ke makīñ haiñ Thiik hai
ḳhush nasīboñ ko hī mil paate haiñ ghar

maz.haboñ kī aaḌ le kar nafrateñ
phail jaatī haiñ to baT jaate haiñ ghar

jo haqīqat meñ ho ghar vo ghar kahāñ
ham ko jaanā hī hai so jaate haiñ ghar

har jagah ruknā munāsib hai kahāñ
yuuñ to raste meñ bahut aate haiñ ghar

ye makāñ thā is ko ghar samjhā kiye
kaise kaise ham ko bahkāte haiñ ghar

umr saarī rāstoñ meñ kaT ga.ī
vaqt ab aayā hai ab jaate haiñ ghar

ik zarā sā pyaar honā chāhiye
dil mileñ to ḳhud lipaT jaate haiñ ghar

umr 'hairat' dopahar kī dhuup thī
shaam ab aa.ī hai ab jaate haiñ ghar

us janam meñ phir mujhe vaisī hī gumnāmī milī
ittifāq aisā ki phir us ghar meñ paidā ho gayā