Tags-Ghar

vo bahut ḳhush hai nayā ghar hai nayā shahr magar
gaañv meñ us kī havelī ke sutūñ rote haiñ

kisī dīvār par nāḳhun ne likkhā hai rihā.ī
kisī ghar meñ asīrī kī aziyyat ro rahī hai

na rañgīniyoñ meñ na rānā.iyoñ meñ
nazar ghir ga.ī apnī parchhā.iyoñ meñ

is ghar ke do makīn the ik peḌ aur maiñ
ye hijr to kisī kī sharārat meñ rah gayā

mire nasīb meñ kyā aur kuchh likhā hī nahīñ
safar meñ rahtā huuñ ghar par maiñ rāt-bhar din-bhar

saverā hote hī sab kaam par nikalte haiñ
udaas udaas sā rahtā hai merā ghar din-bhar

charāġh hāthoñ ke bujh rahe haiñ sitāra har rah-guzar meñ rakh de
utaar de chāñd us ke dar par siyāh din mere ghar meñ rakh de

daaġh huuñ rashk-e-mohabbat se ki itnā betāb
kis kī taskīñ ke liye ghar se tū bāhar niklā

huā mismār sab lekin jahāñ tum ghar banāte the
vo dil kā ek TukḌā jān-e-jāñ mahfūz rakkhā hai

yuuñ bhī jab tak ġham se mar nahīñ jaatā maiñ
raat ga.e tak lauT ke ghar nahīñ jaatā maiñ

sad-afsos dam apnā niklā hai kis dam
ki jab ghar se ghar tak vo gulfām aayā

mujhe sub.h ko qatl kar vo masīhā
jo ghar apne farḳhanda farjām aayā

sukūt TuuT gayā ḳhāmushī ke jañgal kā
mirī sadā.eñ uThīñ is tarah mire ghar se

tamām raat koī bhī na thā mire ghar meñ
lipaT ke soī thī tanhā.ī mere bistar se

terī galī ke moḌ pe pahuñche the jald ham
par tere ghar ko aate hue der ho ga.ī

vo to ruḳhsat kar ke mujh ko ghar meñ jā baiThe magar
yaad un kī duur tak aa.ī thī 'shaukat' mere saath

chīḳheñge ḳhuub ham yahāñ chāhe ḳhafā hoñ mehmāñ
nafrat ho jis ko shor se ghar meñ hamāre aa.e kyoñ

koī paḌosī tañg ho chāhe kisī se jañg ho
ghar hai ye apne baap kā koī hameñ chupā.e kyoñ

laraztī chhat shikasta bām-o-dar se baat karnī hai
mujhe tanhā.ī meñ kuchh apne ghar se baat karnī hai

aap mile to aañkh bhar aa.ī
aap ga.e to ġham ghar aa.e